“WE’RE having guests on Saturday,” sabi ni Ike kay Pippa kinabukasan habang nag-a-almusal sila. “Nakalimutan kong banggitin sa `yo kagabi. I hope you don’t mind.”
Sandaling binalikan ng isipan ni Ike ang nangyari kagabi. May parte sa kanya ang natutuwa dahil nagagawa nang mag-open up ni Pippa. Ramdam niyang mas nagkalapit silang dalawa. Ngunit may parte sa kanya ang hindi mapakali, ang bahagyang nakakaramdam ng takot. Napapaisip siya sa ilang bagay na sinabi ni Pippa. Nais niyang siguruhin sa sarili na mali ang dalaga sa ilang mga sinabi tungkol sa kanyang nararamdaman.
Hindi rin niya ganap na maamin na bumabagabag sa kanya ang dating asawa ni Pippa. Totoo ang kanyang sinabi sa dalaga, hindi niya alam kung kaiinisan o pasasalamatan ang lalaking hindi kilala. Naiinis at nagagalit siya dah
