ALAS-TRES ng tanghali nang sunduin ni Kapitan David si Ike sa bahay. Habang nagtatanghalian ay binanggit si Ike na lalabas ito kasama ang kapitan. Noong isang araw ay nagkakilala ang dalawa. Inalok ng matanda na ilibot sa baryo si Ike. Dahil hindi iyon magawa ni Pippa, inudyukan niyang sumama si Ike. Maraming magagandang lugar sa baryo nila.
Isinasama siya ni Kapitan David ngunit tumanggi siya, idinahilan na hindi maiwan ang bahay. Naroon pa si Sheryl.
Pag-alis ng dalawa ay sinubukang magkulong uli ni Pippa sa silid. Ngunit wala naman siyang maisulat kaya napagpasyahang bumaba uli. Naghanda siya ng meryenda at inilabas kay Sheryl. Patapos na ang dalagita sa ginagawa. Nililinis na lamang nito ang washing machine. Mas gusto niya ang trabaho ni Sheryl kaysa kay Aling Ising. Masinop sa gami
