Panay ang tawa ko nang makalabas kami ng OB Clinic ni Renz, samantala ay tahimik naman ito habang nakabusangot ang mukha. Mas lumakas ang pagtawa ko sa paninitig dito, para kasi itong pinagsakluban ng langit at lupa.
"Stop teasing me, Luna," aniya sa mababang boses.
"I won," sambit ko saka pa ulit humagikgik. "Matutulog ka mamaya sa labas ng kwarto. Or— kami ni Reece ang magkatabi."
Ngumiwi ito sa narinig. Mayamaya pa nang huminto kami sa tapat ng kaniyang kotse saka ako pinagbuksan ng pinto. Tinapunan lang ako nito ng mapang-uyam na tingin bago inalalayan papasok sa loob ng passenger's seat.
"C'mon, Renz, nanalo ako," pag-uulit ko pa, patuloy ang pang-aasar sa kaniya.
"It's fine." Bumuntong hininga ito. "Tanggap ko pa rin namang babae ang anak natin dahil pinagpaguran natin 'yan. Isa
