TININGNAN ni Moira ang suot na relo, mahigit sampung minuto pa bago mag-alas dos ng hapon. Kanina pa siya tapos sa pag-aasikaso sa kanyang mga pasyente, at naiinip na siya sa paghihintay na i-dismiss sila. Nasa Quirino Memorial Medical Center ang grupo nila para sa kanilang duty.
Sinulyapan niya ang kanilang clinical instructor na noon ay kausap ang ilang staff nurse ng ospital, at pagkatapos ay bumaba ang kanyang mga mata sa cellphone niya na nasa ibabaw ng lamesa. Wala pang text buhat kina Toni, marahil ay nasa klase pa ang mga ito. Mamaya pagkatapos ng duty ay may usapan sila nina Slater na magtutungo sa Divisoria. Ngayon sila mamimili ng pang-decorate sa health center dahil Huwebes na ngayon, at sa darating na Lunes ay simula na ng nursing week
Ilang sandali pa ay natanaw niyang pala
