Mabilis na kumalat ang balita sa mga karatig-bayan ng Batangas at Cavite ang tungkol sa pagkakatagpo kay Jewel Sta. Maria. Ang fresh graduate na nurse na ilang buwan nang nawawala nang pumunta ito sa mahiwagang Binintian river kasama ang mga kaibigan.
Natagpuan siya ng mga tao sa pampang ng ilog na walang malay. Agad siyang dinala sa bahay ng kapitan ng baryo at ito na ang kumontak sa mga pulis upang maipagbigay-alam sa kaniyang mga magulang ang pagkakatagpo sa kaniya.
“Ang buong akala namin ay patay ka na, Jewel. Ano ba talaga ang nangyari sa iyo? ” excited na tanong ng kaibigan niyang si Erika. Narito ngayon sa kanilang bahay ang mga kaibigan. Agad na sumugod ang mga ito nang mabalitaang nakauwi na siya. Magkakaumpok sila sa terrace ng bahay nila habang pinapapak ang paborito nilan
