Chapter 9
Huminto ang limousine sa harap ng Morganball Hotel kung saan gaganapin ang Gala night. Bumaba ang chauffeur at mabilis na binuksan ang pinto ng kotse.
Tahimik lang akong nakatingin kay Sir Azrael habang bumababa siya ng sasakyan. Maya-maya pa ay iniabot niya sa akin ang kanyang kamay. May kung anong kuryente ang gumapang sa balat ko nang hawakan ko 'yon. Marahan akong lumabas ng sasakyan.
Pagkababa namin, sinalubong kami ng nakakasilaw na mga flash mula sa camera. Parang saglit akong nabulag, pero agad kong naramdaman ang palad ni Sir Azrael sa likod ko.
Habang papasok kami sa loob, ramdam ko ang panginginig ng aking didbib. Kinakabahan ako dahil nasa amin ang lahat ng tingin ng mga taong naririto.
"Wow! It's Azrael Cervantes!"
"Who's that lady beside him? She's so beautif
