Chapter 30
PASADO ALAS DOSE na ng gabi natapos ang kuwentuhan nina Indira at Lunette sa cellphone. Iyon na yata ang pinakamatagal nilang usapan ni Lunette mula nang umalis ito patugong Malaysia.
Ngunit para kay Indira ay nabitin pa rin siya. Marami pa siyang nais ikuwento at irereklamo kay Lunette na karamihan ay may kinalaman kay Hendrikus at sa kapangahasan nito pero inalala rin niya si Lunette baka abutin pa sila ng umaga at hindi pa ito makapagtrabaho bukas.
Nang makapagpaalam na sila sa isa’t isa ni Lunette ay bumangon si Indira para icharge ang kanyang cellphone na naghihingalo na rin pala ang baterya.
Naisipan na rin niyang bumaba upang refill-an ng tubig ang kanyang tumbler. Tila natuyuan siya ng lalamunan sa kadadakdak niya kanina sa cellphone.
Maingat at walang ingay ang
