Grabe ang kaba ko habang naglalakad kami papasok sa venue. Kinakabahan rin ako noong nakasama ko si Dad sa ganito ring event pero pakiramdam ko mas iba ang kaba ko ngayon, mas intense.
Naramdaman ko ang mahinang pagpisil ni Ninong sa braso ko. Napatingin ako sa kanya na nakangiti sa akin. Na parang sinasabi na it's okay, I'm here!
Huminga ako nang malalim at itinaas ang chin ko, pilit na iniaayos ang ngiti ko kahit parang kumakabog na sa tenga ko ang tibók ng puso ko.
Garden-type ang venue. Malawak, elegant, at parang hinango sa isang high-end magazine spread. Sa gitna ay may malaking fountain na kumikislap sa ilalim ng warm lights, ang tubig ay sumasayaw sa saliw ng soft instrumental music. May mga fairy lights na nakasabit sa mga puno, nagbibigay ng romantic glow sa buong lugar. Ang m
