"Dito ka pala nag- work? Ilang taon ka na ba?" tanong ni Lovely nang pumunta siya sa store ng mga sapatos kung saan nagtatrabaho si Gabby.
Bahagyang nagulat ang binata nang makita siya. "Ah... oo. Thirty nine na ako. Ikaw ba?"
Nanlaki ang mata ni Lovely. "S- Seryoso? Thirty nine ka na? 'Di nga? Grabe ang baby face mo! Akala ko kasing edad lang kita!"
Natawa ng mahina si Gabby. "Iyan din ang palaging sinasabi nila. Siguro ganito talaga kapag napurga ng gulay at prutas."
Umirap si Lovely bago natawa sa sinabing iyon ng binata. Tiningnan niya ito mula ulo hanggang paa. Hindi nga talaga halata sa mukha nito ang kaniyang edad. Kaya talagang nagulat siya. Hindi niya inasahan na sampung taon pala ang tanda nito sa kaniya. Natawa siya. Kahit wala naman siyang balak bumili ng sapatos, mapapabil
