"Lorna, anak... tawagin mo na ang kuya Lucian mo para kumain na," utos ni Angelica sa kaniyang anak.
Walang emosyong nakatingin si Lorna sa kaniyang pagkain. Wala siyang gana. Ngunit hindi niya puwedeng ipahalata iyon sa kaniyang mga magulang dahil magtataka ito. Magtatanong ito sa kaniya kung ano ang dahilan bakit wala siyang gana. Kung bakit naging matamlay siyang bigla nang umuwi siya sa kanilang bahay.
"Malaki na po siya, mommy. Hayaan na lang natin siya kung kakain po ba siya o hindi. Tinatamad po akong puntahan siya sa kuwarto niya," malumanay na wika ni Lorna bago niya ginalaw ang kaniyang pagkain.
Napatingin sa kaniya si Angelica. "Ayos ka lang ba, anak? Parang wala ka yatang gana ngayon."
Bumuntong hininga si Lorna. "Pagod lang po ako sa school. Sa mga gawain. Siguro ganito po
