Rinig na ni Lorna ang ingay ng malakas na pintig ng kaniyang puso. Sobra siyang kinakabahan. Mas lalong lumalakas ang pintig ng kaniyang puso habang palapit na sila sa bahay ni Mr. Harris. Hanggang sa huminto na nga sila sa isang malaking gate. Isang malawak na pader ang nakita ni Lorna. Senyales na malamansyon sa laki ang bahay ng nasabing bilyonaryo. Nanginginig ang kamay ni Lorna ang hawakan niya ang kamay ni Lucian pababa sa sasakyan na iyon.
"Ang lamig ng kamay mo at halatang kabado ka. Huwag kang kabahan, my love. Masayang- masaya si daddy na malamang magkakaanak na tayo dahil lolo na siya..." nakangiting wika ni Lucian.
Matipid na ngumiti si Lorna at pilit pa iyon. Kahit na sinusubukan niyang pakalmahin ang kaniyang sarili, hindi niya magawa. Talagang kinakabahan siya ng husto. H
