PEACHY
HINDI KO NA NATULOY ANG pagpasok ko sa cubicle dahil matapos sabihin ng babae ang kaniyang pangalan ay agad na itong lumabas ng banyo. Pabalik-balik ang tingin ko sa cubicle na pinasukan ni Sasah at sa pinto ng banyo kung saan lumabas si Miranda Toricelli. Huminga ako nang malalim at kinatok si Sasah.
“Sasah, mauna na ako ha!”
“Hoy, Peachy—“
Hindi ko na pinatapos si Sasah sa pagsasalita dahil agad na akong lumabas at mabilis kong inikot ang aking paningin upang mahagilap ang babaeng iyon. Hindi ako p’wedeng magkamali sa aking narinig. Ang babaeng iyon ay si Miranda Toricelli, ang taong tumulak kay Andrea Perino at ang babaeng dineklarang patay, limang taon na ang nakakaraan.
Huminga ako nang malalim at nagsimulang maglakad-lakad upang hanapin si Miranda. Patuloy lamang ako ha
