PEACHY
PANAY ANG TAPIK NG MGA daliri ko lamesa habang hinihintay si Misis Perino sa living room. Hindi na ako p’wedeng magpalipas pa ng isang araw dahil kailangan ko ng malaman kung sino ang taong tumulak sa kaniya. Nang marinig ko ang pagbukas ng pinto ng kwarto ay napaupo ako nang tuwid at hinintay na maupo si Misis Perino sa harapan ko.
“Magandang umaga, Misis Perino,” bati ko at nilingon si Raegan na tumango lang bilang pagbati.
“Magandang umaga rin sa inyong dalawa,” ganting bati ni Misis Perino. Ang kapatid naman nitong nurse ay naupo sa tabi niya matapos maglagay ng juice at biskwit sa lamesa.
“We are ready to hear your story, Misis Perino,” paninimula ni Raegan.
Binalot ng katahimikan ang pagitan namin hanggang sa tumikhim si Andrea Perino at naupo nang tuwid. Hindi ko mai
