PEACHY
“SIGURADO KA BANG LIGTAS sila dito?” tanong ko kay Raegan nang makapasok kami sa isang condo unit na mukhang mamahalin base sa interior design nito. Kitang-kita rin sa mukha ng mag-inang Perino ang pagkamangha samantalang ang nurse na kapatid ni Misis Perino ay tila ba hindi kumbinsido sa kaniyang nakikita.
“This is one of Napoleon’s personal property, kaya walang dapat ipag-alala. Twenty-four seven din ang security sa building na ito, Lover,” paniniguro ni Raegan at tinuro pa si Napoleon na nakahalukipkip habang nakasandal sa nakasaradong pinto.
“Wala ka bang tiwala sa akin, sis-in-law?” nakangusong tanong ni Napoleon na para bang nagtatampo.
“Wala,” mataray kong sagot. Inirapan ko lang siya at nilapitan na si Misis Perino. “Narinig niyo naman po si Raegan. Ligtas kayo dito kay
