PEACHY
ABOT LANGIT ANG KABA na nararamdaman ko habang pinapanood si Raegan na naglalakad papunta sa pinto na sapilitang binuksan ng kung sino. Nilapitan ko naman si Misis Perino at ang kapatid nitong bakas sa mga mukha ang takot upang pakalmahin.
“Okay lang ba ang boyfriend mo, Miss?” tanong sa akin ni Misis Perino na ikinalaki ng mga mata ko. Hawak pa nito ang bandang tiyan dahil sa kaniyang sugat na natamo nang pasukin ang kaniyang tinitirhan.
“Hindi ko siya—I mean, ano… okay lang siya,” sagot ko na lamang upang kahit papaano ay mabawasan man lang ang takot na nararamdaman ng dalawa.
Tipid lamang akong ngumiti at nang mapansin kong nagbago ang reaksyon ng dalawa habang nakatingin sa aking likuran ay agad kong nilingon iyon. Nanlaki ang mga mata ko nang makita si Raegan na nakataas
