PEACHY
PUYAT NA PUYAT AKO dahil hindi ako pinatulog ng nangyari kagabi sa dojo gym. Matapos ang pag-uusap namin kagabi ay basta na lamang itong umalis na walang pinapangakong hindi niya ako ibubuking. Hanggang ngayon ay hindi pa rin ako makapaniwala na alam na ni Raegan ang totoong ako maliban sa dahilan ko kung bakit ako nagpapanggap na eighteen years old.
Pero ano kaya ang dahilan niya bakit niya nasabi ang mga salitang iyon kagabi?
“Ahhh!!" naiinis kong tili dahil sa inis. Ginulo ko rin ang buhok ko dahilan para magmukha aking bruha.
Napabuntong-hininga na lamang ako at tumayo na saka dumiretso sa banyo. Unang sumalubong sa akin ay ang mukha kong bakas ang puyat dahil sa itim sa ilalim ng mga mata ko at ang buhaghag kong buhok. Napangiwi na lamang ako at muling lumabas saka naupo
