"Hindi ko inaasahan na ganito kabilis tayong magkikita," sabi ni Travis sa customer ni Steve pagkalapag niya ng tubig sa mesa.
Umangat ng mukha ang lalake at nakita niyang kumunot ang noo nito.
"Do I know you?" tanong nito sa kaniya.
Tumawa siya sa naging tanong nito. Naalala niya na iba nga naman ang mukha niya nang nasa Isla pa siya. Pati nga si Mariz na ilang beses na niyang nakasama sa kama ay hindi rin siya nakikilala.
"Well, ako lang naman ang lalake na bigla mong trinato na VIP sa Isla Bonita pagkatapos na masugatan ang paa dahil sa kapalpakan ng serbisyo niyo," pagpapakilala niya na diniinan pa ang huling sinabi.
"Dito ka nagtatrabaho?" sa halip ay tanong nito sa kaniya.
Ngunit sa halip na sagutin ay nagkibit-balikat lamang siya.
"Do you want to talk to me? Take a seat. T
