Pagtingin ni Mariz sa labas ay hindi na niya nakita si Travis kaya inilibot niya ang kaniyang paningin paikot sa coffee shop.
"Are you looking for someone?" tanong sa kaniya ni Nikko nang mapansin siya nito.
"H-ha? Ah.. Eh, tinitingnan ko lang kung ihahatid na ang order natin. Hindi kasi ako nakapagkape kanina," pagsisinungaling niya rito.
"Coffee lover ka rin pala at pareho pa tayo ng gusto," nakangiting sabi nito sa kaniya.
Ewan ba niya kung bakit nakaramdam siya ng inis nang hindi niya makita si Travis. Hindi na niya naintindihan ang sinasabi ni Nikko kaya bahagya na lang siyang ngumiti na kunwari ay sang-ayon siya.
"Na-miss mo siya? Kanina na andiyan siya sa harapan mo ang dami mong arte tapos ngayon naghahanap ka?" mapang-asar na tanong ng kaniyang isipan.
Ilang saglit lang ay
