Magtatanghali nang magising si Travis. Pag-inat niya ay napangiwi siya dahil sa kirot na kaniyang naramdaman.
"s**t! Ang sakit pa rin ng daliri ko," nakangiwi niyang sabi.
Iminulat niya ang kaniyang mga mata at nasilaw pa siya sa liwanag dahil hindi niya naisara ang kurtina ng bintana. Umupo siya at napasapo naman sa kaniyang ulo.
"Kainis naman oh. Ang sakit na nga ng paa ko dagdagan pa ng ulong 'to," maktol niya.
Pinilit niya ang sariling bumangon. Paano ba naman hindi na niya matiis ang pangangalam ng kaniyang sikmura. Paika-ika siyang naglakad patungong kusina. Naghagilap siya ng makakain pero wala ng stock sa loob ng ref. May nakita siyang isang cup noodles at iyon na ang kaniyang pinagtyagaan.
"Ang sarap talaga ng bulalo!" aniya habang hinihigop ang mainit na sabaw ng noddles.
H
