"Didiretso ka na ba ng condo mo, Mariz?" tanong ng kaniyang Mama pagkatapos nilang kumain.
"Opo, Ma. Maaga po ako magre-report bukas sa office. Uuwi na lang po ako next weekend," aniya rito na labis ang pagpapasalamat at tumigil na ito sa kakadaldal.
"Malapit lang ba ang condo mo rito?" tanong ni David sa kaniya.
"Nasa kabilang building lang," sagot niya at itinuro ang The Garden's Tower Condominium.
"Diyan naman sa kabilang building ang pinapasukan niyang trabaho, David," sabad ng kaniyang Mama na nagsisimula na namang magdaldal kaya nagpaalam na siya sa
mga ito.
"Aalis na po ako," aniya saka humalik sa Mama niya at kay Tita Tina.
Niyakap naman siya ni Tricia na halos ayaw na nitong umalis sa kaniya.
"Gusto niyong ihatid si Mariz?" tanong ng Mama niya kay David nang ayaw pa rin bu
