NAGWAWALIS si Bria sa labas ng bahay, samantalang ang anak naman ay naglalaro sa hawak nitong bola na binili niya para dito. Ayaw naman niyang puro pag-aaral na lang ang atupagin ng anak. Gusto din naman niyang ma-enjoy nito ang pagkabata nito kaya hinahayaan din niya ito na maglaro sa mga batang ka-edad nito na taga din doon.
Kinuha naman ni Bria ang dustpan para ilagay do'n ang mga nawalis niya. At akmang ilalagay niya iyon sa sako ng mapatigil siya nang lumapit sa kanya si Brylle.
"Bakit, Kuya?" tanong ni Bria dito.
"Ako na po magtatapon niyan, Mama," wika ni Brylle sabay tingin sa hawak na dustpan.
"Ako na, Kuya. Maglaro ka na doon," wika naman niya.
"Tapos na po ako maglaro, Mama. Tulungan na po kita," sagot naman nito.
Hinayaan na lang naman ni Bria ang anak sa gusto niton
