PAGPASOK sa banwa nagmamadaling itirangka ni Kaleb ang pinto. Hinawi nito ang kurtina saka isinara ang mga bintana.
Bakas naman ang pag-alala sa mukhang yakap-yakap ni Macaria ang anak na inosenteng nakasubo ang hinlalaking daliri sa bibig habang sinusundan ng tingin ang asawang hindi mapakali.
"Sino ang mga taong 'yon, Kaleb?"
"Hindi ko alam. Pero sa anyo at suot ng ‘yon, maaring mukhang mga bandido." Tumigil si Kaleb sa harapan ni Macaria at hinawakan siya sa magkabilang balikat. "Sigurado ka bang walang ginawang masama ang mga gagong 'yon sa inyo?”
Umiiling na tiningala ito ni Macaria. “Wala. Huwag kang mag-alala. Lumabas lang kami ng banwa no'ng matanawan kitang paparating.. nag-alala akong baka may gawin silang masama sa ‘yo…”
Bumuntong hininga si Kaleb at ikinulong sa mga pal
