GLASE POINT OF VIEW
Ilang araw na kaming halos hindi nagpapansinan ni Sir Kellix. Halos hindi ko na rin makausap si Krizza. Parang nilalayo nila ni Angel sa akin ang bata. Minsan ko na lamang ito maalagaan. Halos hindi ko na rin ito mabasahan ng mga gustong-gusto niyang istorya.
Hindi ko na minsan mapigilan ang umiyak. Halos dito na nakatira si Angel. Minsan, nakikita ko siya na minamasahe si Sir Kellix habang may tinitipa ito sa laptop niya.
Hindi ko inakalang ang boss kong si Sir Kellix at ang manunulat na si MonteKM ay iisa. Si MonteKM na sobrang hinahangaan ko lang noon ay nakita ko na sa personal. Nahulog na ako sa kaniya, sobra! Hindi ko akalain na si MonteKM ay sasaktan din ako nang ganito.
“Ang malas-malas talaga ng buhay ko,” mahinang bulong ko at napabuntong hininga. Kasal
