THIRD POINT OF VIEW
Nang makarating sa Maharlika ang lalaki ay tulog ang babaeng niligtas niya. Napabuntong hininga na lamang siya.
Hanggang ngayon ay palaisipan pa rin sa kaniya kung bakit ayaw nito bumalik sa kanila. Pero sa tingin niya'y may malalim itong dahilan. Aminin niya man o hindi ay nakaramdam siya ng awa sa babae sa itsura pa lang.
Bumusina siya para pagbuksan siya ng tarangkahan ng guwardiya sa mansion. Nang bumukas ang tarangkahan ay kaagad niyang pinaandar ang kotse papasok hanggang sa garahe.
Nilingon niya ulit ang babaeng mahimbing na natutulog. Kumuha siya ng telang nakasapin sa upuan ng kotse at binalot sa katawan nito.
Lumabas siya sa kotse at umikot. Binuhat niya ang babae at sinarado ang pinto nito.
Papasok pa lang siya sa loob ng mansion ay nakita na agad
