Mahirap pala ang mag-aral ng surfing. Iyon ang natanto ni Adella nang turuan na siya ng binata. Ni hindi niya ma-balance ang sarili sa surfing board, sa tuwing papalo ang malakas na alon ay nahuhulog siya roon.
Pero ganoon pa man, wala siyang nakitang kapaguran o pagkainis sa mukha ng binata. Tinatawanan nga lamang siya nito.
"Ayoko na. Pahinga muna tayo," makalipas ang halos isang oras ay nasabi niya iyon kay Apollo. Nagawa naman niyang isang beses na tumayo sa surfing board sa gitna ng mga alon. Pwede na iyon for now, isang maliit na achievement na iyon para sa kanya.
Lumangoy sila papunta sa mababaw na parte at humiga sa buhanginan dahil sa pagod. Ganoon rin ang ginawa ni Apollo sa kanyang tabi. Hindi nila alintana ang sikat ng araw, namumula na ang pisngi niya at balat dahil tila na
