Nagising si Adella na may tila mabibigat na bagay na nakadagan sa kanya. Kaya daglian niyang binuksan ang mga mata. Nakatihaya siyang nakahiga at tila may hiningang tumatama sa gilid ng tenga niya. Paglingon niya ay napatda siya.
Si Apollo!
Nakadagan ang isang binti nito sa mga paa niya, ang isang braso nito ay nakapatong sa may tiyan niya. Himbing na himbing ito sa kanyang tabi. Nanlalaki pa rin ang mga mata niya sa sitwasyong namulatan niya. Nagtataka kung bakit katabi ang binata e iniwan pa lamang siya nito kahapon. Ganoon na ba kahimbing ang tulog niya para hindi maramdaman ang pagdating ni Apollo kagabi?
Pinagmasdan niya ang binata. Napaka-amo ng mukha nito kapag natutulog, makakapal ang kilay ng binata na lalong nakakadagdag sa lalaking lalaki nitong dating. Ang mga kilay nito na
