Buong araw silang naglakwatsa na dalawa, kaya ang labas, pagod sila no’ng nakauwi. Pero kinagabihan ay pumunta pa rin sila sa plaza para kumain ng kung ano roon. Syempre, kasama na nila noon si Elsa.
Kinabukasan, mas na unang nagising si Elsa at ang sarap pa ng tulog ng dalawa. Napangiti na lang ang ginang habang pinagmamasdan ang dalawa, lalo na ang anak. Ngayon lang ito natulog ng matagal simula noong nagkaisip na ito. Gusto kasi nitong tumutulong palagi sa ina kaya umaga pa lang ay nagigising na.
Si Elsa na ang nagsaing at nagluto ng ulam. Ginisang gulay lang naman ito kaya mabilis lang. Nagpaigib na lang siya ng tubig sa binata nilang kapitbahay. Binabayaran niya na lang ito bilang kapalit.
Papasok pa siya sa trabaho kaya nag-ayos na siya. Nakabihis niya siya ngunit tulog pa rin
