CHAPTER 11
SAFARA POV
Sign. Ito ang hinihingi ko sa panginoon kung tama ba na pinalaya ko si Neo. Pero ilang araw na ang lumipas. Ilang buwan na ang lumipas. Ilang taon na ang lumipas. Wala pa ring sign na dumating na nagsasabing tama ang naging desisyon ko.
Sobrang hirap. Sobrang sakit. Gusto kong balikan si Neo pero wala na. Tapos na. Hindi ko na s'ya maaaring balikan dahil may nagmamay-ari na sa kan'yang iba.
Dumating pa ang mga araw na hindi ko na talaga kaya ang sakit. No'ng nalaman ni Mama ang tungkol sa 'min ni Neo, hindi ko alam kung matutuwa ako sa una n'yang sinabi sa 'kin.
Ang tanga ko raw. Ang tanga tanga ko raw.
"Ang tanga mo anak. Bakit ikaw ang nagparaya?"
"Ma, buntis 'yung kabit. Hindi ka po ba nakikinig sa kuwento ko?"
"Nakikinig ako anak. Pero, ikaw ang pinili
