“`NAY!!! `NAY!!!” Kuntodo ang aking pagsigaw habang humahangos ako papasok sa aming bahay. Nakita ko si Nanay Greta na nasa harapan ng computer.
“Oh, bakit para kang hinahabol ng dinosaur diyan, Ruth? Oo nga pala, dumating na iyong mga lalaki na magkakabit ng internet kanina. Nakabitan na rin tayo sa wakas ng internet, anak!” Bahagya lang akong tinapunan ni nanay ng tingin at muli niyang ibinalik ang kanyang atensiyon sa harap ng screen ng computer.
Lumapit ako sa kanya at pilit na iniharap siya sa akin. “`Nay, mamaya na iyan! Makinig ka po muna sa sasabihin ko!” humihingal pa na turan ko.
“Aba naman! Kita mong ngayon ko lang ulit in-open ang f*******: ko, iistorbohin mo pa ako. Ano ba `yang sasabihin mo, ha?”
“`Nay, si ate... N-nakita ko na si ate. Nagkita na kami!” nanlalaki ang mga
