***
Para akong batang tumatalon habang nakangiti nang malapad nang muli akong makabalik sa bahay matapos iyong nangyari kanina, iyong paghalik ni Mrs. Perez sa akin sa labi. Para akong nanalo sa motor race o higit pa roon ang nararamdaman ko. Nag-uumapaw iyong saya at kilig ko ngayon.
"Nakita namin 'yon," narinig kong sabi ni Vincent kaya napalingon ako sa kanila.
Tapos na ang celebration pero gusto pa raw nilang mag-inom dito. Malakas sila kay daddy kaya napapayag nila ito. Dito na rin nila balak tumuloy muna o matulog, ayos din naman sa akin 'yon. Parang celebration na rin naming magbabarkada.
"Alin?" Pagmamaang-maangan ko.
"Alin?" Maarteng panggagaya naman ni Avery at Caleb sa akin kaya natawa ako.
"Parte pa rin ba iyon ng deal? Tapos na ang deal natin, ah." Tanong ni Zeke na nga
