***
"Anong nangyari sa leeg mo, pres?" Tanong ng isa kong kaklase at tinuro pa ang leeg ko.
Nandito kami ngayon ng mga kaklase ko sa canteen, halos lahat yata kami ngayon ay magkakasama at sinusulit ang bawat araw bago ang graduation namin, at katatapos lang din kasi ng practice namin para sa graduation.
Napahawak ako sa leeg ko at bahagya itong minasahe bago sinagot si Ella, lahat ay nakatingin na ngayon sa direksyon ko at hinihintay ang sasabihin ko.
Binabalak ko kaninang lagyan ng concealer iyong kulay violet sa leeg ko pero tinamad na ako at iyong sa may pisngi o malapit sa labi na lang ang tinakpan ko. Halatado pala masyado iyong pamamaga ng leeg ko dahil sa kakagawan ni Darren at hanggang ngayon ay masakit pa rin at nahihirapan akong lumingon.
"Nakipagsakalan ako sa kaniya," t
