We are one
"Kookie," ani Pepper sa mind link nilang dalawa. "Kookie!" pagtawag-pansin niya ulit sa binatang walang malay.
Unti-unting idinilat ni Kookie ang kaniyang mga mata. Inilibot niya ang tingin at napansing nasa loob siya ng ipo-ipo na iyon. Akala niya ay katapusan na niya noong nakapasok siya sa loob dahil sa biglaang pwersang humatak sa kaniya papasok. Hindi pa pala siya patay.
Hinanap niya ang pinanggagalingan ng boses ni Pepper. Tumatawag iyon sa kaniya hanggang sa panaginip niya... o hindi iyon isang panaginip?
"Pepper?" tawag niya sa pangalan ng dalaga.
"Kookie, ako ito." Kumunot ang noo ni Kookie dahil sa sinabi ni Pepper sa kanilang mind link. Nagpapakilala kasi ito ngunit hindi naman niya nakikita kung nasaan. Ngunit sigurado siyang si Pepper ang kausap niya.
"Nasaan
