Pinsan
"Dito!"
Sumunod sila sa isang maliit na daan. Nauna si Pepper pumasok, sunod ay si Lola Selena, si Candy karga ang kaniyang anak at ang iba pa nilang kasamahan. Nahuli si Taka na muli pang sumulyap sa malayo.
Sinundan nila si Pepper patungo kina Skip, Chanel, V at Spice na naghihintay na rin sa kanila. Nalaman na kasi nila ang pagdating nila dahil sa mind link ni Chanel. Pinaupo agad nila ang mga ito at sinipat ang ilang may sugat.
"Ako na ang bahala sa anak mo," ani Spice sabay karga sa tatlong taong si Carla.
Nag-aalala man ay hinayaan na niya ang anak sa mga kamay niya. Ilang araw na kasi itong may sakit pero wala silang ibang magawa kung hindi lagyan ng basang bimpo sa noo, painumin ng tubig at patulugin ang bata. Wala naman kasi silang gamot na puwede nilang gamitin.
"Ku
