"Kailan ba ang kasalan?" natatawang tanong ng Mommy ni Chad sa aming dalawa. Malakas ang boses nito dahil lasing na rin ito.
Pamilya na lang ni Arah at Kent ang natira sa hotel dahil nakauwi na ang ibang mga bisita. Ngiting-ngiti si Tita sa akin at niyaya pa akong makipag-inuman sa kaniya.
"Alam mo, hija. Gusto kita para sa anak ko at hindi importante para sa akin ang nakaraan ng isang tao. Ang importante sa akin ay kung sino ang mahal ng anak ko. Mayaman man o mahirap ka pa. At kahit na ano pa man ang pinagdaanan mo sa buhay dahil ang importante lang sa akin ay ang makitang masaya ang anak ko," sinserong wika ni Tita sa akin at ramdam na ramdam ko ang tuwa sa kaniyang boses.
"Salamat po Tita," nahihiya kong sagot at sa.katunayan ay hindi ko alam kung ano talaga ang magandang sagot sa
