"Diyan ka magaling, magaling kang magpabiktima pero ang totoo natutuwa kang winasak mo ang dalawang tao na ikakasal na sana. At ang mas nakakahiya ay lahat ng mga tao rito ay alam na ang tungkol sa inyo. Hindi mo man lang inisip ang mga kapatid mo kaya ikaw ang mas makasarili sa ating lahat. Kung inisip mong kapatid mo kami dapat hindi ito nangyari. Dapat hindi mo kami nilagay sa sitwasyong ito. Pinag tsitsismisan na tayo ng mga kapitbahay at ngayon ikaw pa ang may ganang magmarunong?" naiinis nitong sabi at umiiyak na rin sa sobrang galit. Ngayon ko lang nakita si Ate Anna na umiyak sa harap naming lahat. Palagi itong matapang at ni minsan ay 'di siya nagpakita sa amin ng kahinaan.
"Isipin niyo na ang lahat ninyong isipin dahil kahit ano naman ang gawin ko hindi pa rin kayo maniniwala sa
