“Daria, wala ka yata sa sarili?” tanong ni Lukresya ng magsabay na kaming nag-out sa trabaho.
“Pasensiya ka na, Lukring, may sinasabi ka ba?”
Iniisip ko kasi si Matias at iyong mga sinabi niya sa akin tungkol sa kasal.
Wala na naman siya ngayon. At hindi ko alam kung ano na naman nangyayari sa kanya lalo pa at naroon na ang amo niya sa hacienda Las Palmas.
“Okay lang, Daria. Alam ko naman na iniisip mo rin siguro iyong nangyayaring tensyon sa paanan ng bundok.”
Tumango at saka pilit na ngumiti.
“Oo, tama ka. Ang problema nga sa paanan ng bundok ang gumugulo sa isip ko dahil na rin kay nanay. Mula kahapon ng malaman niya ang pagdating ng ibang tao sa paanan ng bundok ay nag-aalala na siya sa kung anong pwedeng mangyari,” sagot ko naman.
“Anong sabi ni Matias? Naroon na ba sa haciend
