CHAPTER 12 - MIRACLE & JARRED
Miracle Florence Geronimo
“Heaven, please h’wag mo kong iwan! Diyos ko, maawa kayo sa kapatid ko.” Humahagulgol kong dasal nang makarating pa lang sa tarangkahan ng ospital kung saan daw dinala ang kapatid ko.
Agad kong tinanong ang information kung nasaan si Heaven at sinabi sa akin ng staff na kasalukuyang nasa emergency room.
Abot langit ang dasal ko habang umiiyak na nagpunta sa emergency. Walang katapusan ang pagdaloy ng luha ko at wala akong pakialam kung pinagtitinginan ako.
Kanina pa lang na binalita sa akin ang tungkol sa aksidente ay hindi na ako makapaniwala. Kulang na lang ay mahimatay ako.
Pero mag-isa lang ako sa bahay at walang tutulong sa akin. Mabuti at nagkaroon ako ng lakas ng loob na magpunta sa sinabi ng pulis sa akin kung saan n
