Nang natapos na ang klase nila Daniella ay hindi muna agad sila umuwi ni Bree gusto daw nitong bumili ng mga gamit na kailangan nila sa eskwelahan na mabibili sa labas. Mayroong isang maliit na tindahan na nagbebenta ng mga school supplies kaya kapag kailangan nila ng mga gamit for project o iba pa, ay madali na lang dahil nasa labas lang ng eskwelahan ang bilihan.
Habang namimili si Bree sa loob ng tindahan ay umupo muna si Daniella sa isang upuan na ilang hakbang ang layo kung nasaan si Bree. Habang hinihintay niya si Bree na matapos ay napagawi ang mata niya sa gate ng eskwelahan at napansin niya si William na palabas na ng gate, pero tumaas ang dalawang kilay niya sa babaeng nakasunod kay William, si Charice na tila may sinasabi kay William pero hindi ito nakikinig at tuloy lang sa pa
