ورطة حب

الجزء السابع

انس كان مفيش قدامه حاجة غير انه يقبل استغلال ابو زهرة علشان هو مضطر انه يفضل فى المكان ده ب اي شكل من الاشكال وفعلا دفع ل ابو زهرة ال300جنيه اللى زودهم

ابوزهرة,اهلا اهلا اهلا انا هديلك اوضة مش بيسكن فيها غير الغاليين هتطل على الشارع وعلى الداخلى كمان

انس.ياسيدى هو انت هتدينى اوضة فى باريس هات المفتاح خلينى اطلع اتخمد

خد المفتاح انس وطلع الاوضة وابتدا يتف*ج على الاوضة للى بيقول عليها ابو زهرة للغاليين .كلها تراب والسرير الالواح بتاعته مش كاملة والملايات مش نضيفة خرج تانى ونده على ابو زهرة بصوت عالى

انس.يااستاذ ياصاحب الفندق ولا مش عارف انت مين تعالى دقيقة لو سمحت

ابو زهرة طلع لحد اوضة انس.خيريابيه فى حاجة الاوضة مش عجباك

انس.اوضة ايه ياسيدى هى فين الاوضة.حرام عليك انا دافع400 جنيه لليوم علشان المنظر ده تراب وملايات مش نضيفة وسرير واقع طيب هنام ازاى؟

ابو زهرة .بس كده هجيبلك ملايات نضيفة حالا بس التنضيف بقى الصبح لما تيجى اللى مسؤلة عن النضافة هخليها تعمل الاوضة بتاعتك اول حاجة والواح السرير بسيطة دى بس عيزة تتحط مكانها

وفعلا جاب ابو زهرة ملايات تانية لأنس اللى ركب الالواح بتاعت السرير مظبوط وفرش السرير بالملايات النضيفة وقرر انه ينام يرتاح لان اليوم كان طويل جدا عليه ومتعب

..

طلع النهار وحصل نفس اللى بيحصل كل يوم

زهرة بفستان زيتى قصير منفوش بنص كم وصندل اسود على الارض وشعرها السايب وجايباه كله على كتف واحد ماشية كعادتها بدلع ومش شاغلها بالها ب اى حد عينه عليها ولا حتى معدي جنبها بالصدفة

شافها انس وهو قاعد فى مدخل الفندق او صالة الاستقبال او نقول الريسيبشن كان بيشرب قهوته وتعمد انه يقعد قريب من الباب بتاع الاوتيل علشان يشوفها وهى جاية تفتح المحل

واول ما لمحها قام من مكانه وساب فنجان قهوته على التربيزة اللى قدامه وعدل قميصه وخرج من باب الاوتيل قاصد يكلم زهرة

انس.انسة زهرة.انسة زهرة لحظة واحدة

عاملة ايه الاول.ازيك النهاردة .اسف ملحقتش امبارح اعرفك على نفسي انا انس

زهرة. صباح النور.وايه فيها يعنى المفروض اعمل ايه دلوقتى

انس.ايه ده معقول مش عايزة تعرفى اسم حبيبك

زهرة ب ابتسامة ووقفت فى وش انس.اه ده انت صدقت الموضوع بقى .مش قولتلك كانت مجرد كلمة ترييح دماغ من كتر الصداع بتاع هنادى.بلاش تعيشها كتير

سابته زهرة وراحت لمحلها وابتسم وهو بيبص للمكان اللى هى ماشية فيه وبعدين لف ورجع تانى على الاوتيل

لكن بالنسبة لزهرة اللى كانت رايحة لمحلها افتكرت مكان تانى لازم تفوت عليه الاول ولأنه المكان ده فى اخر الشارع بتاع المحل بتاعها كملت مشى لحد ما وصلت وخبطت على الباب اللى كان صاحبه هو فواز جوز اختها ميسم

فواز..ياميسم يا ميسم تعالى افتحى الباب حد عمال يخبط

ميسم.طيب يا فواز سامع الباب ومش قادر تقوم تفتح

فواز,قاعد بفطر يلا افتحى وخلاص من غير وجه دماغ

ميسم فتحت الباب شافت زهرة قدامها .اتصدمت ميسم

زهرة ب ابتسامة.ياصباح الورد على الورد وكانت بتقرب علشان تدخل البيت

لكن ميسم صدمتها .زهرة خير

زهرة.في ايه يا ميسم مالك انتى مش عايزانى ادخل

فواز.مين يا ميسم

ميسم.مفيش حد يا فواز كمل اكل

زهرة اتصدمت اكتر.مفيش حد؟ انا حد يا ميسم للدرجة دى

ميسم.زهرة الله يخليكى لو انا غالية عندك امشى من هنا وبلاش تيجى هنا تانى

زهرة.ميسم انتى اتجننتى .انا زهرة اختك

ميسم.اعملى معروف يازهرة امشى من هنا امشى الله يخليكى امشى ومتجيش هنا تانى

دمعت عيون زهرة واختها بتدفعها بالراحة ب ايديها علشان تبعد عن باب بيتها كأنها رايحة تشحت منها

قبلت تتهان وتمشى بالطريقة دى وراحت فتحت محلها وهى عمالة تعيط دخلت قعدت على اول كرسى قا**ها ودموعها نزلت علشان تتفاجئ ب باب المحل بيتفتح بس اللى دخل مكانتش زبونة ولا واحدة من البنات اللى بتشتغل دى كانت فرخة من فراخ عبدالله زى كل يوم لكن زهرة مكانش عندها استعداد المرة دى انها ترجعهاله اخدت الفرخه وخرجت من باب المحل شافت طفل صغير وقفته وقالتله.تعالى ياحبيبى خد الفرخه دى واديها لمامتك خليها تطبخهالكم على الغدا

الطفل بفرحة .ايه ده بجد دى ليا انا

زهرة .ايوة ايوة يلا الف هنا

خدها الطفل ومشي فرحان فعلا وزهرة راحت المحل بتاع عبدالله

زهرة.ابو الريس انت يا عبدالله

عبدالله.ايه ده معقول يا اهلا بالست زهرة

صحيح قالولى انك كنتى منورة القسم امبارح يعنى خلاص بقيتى خرج سجون عموما ولا يهمك السجن للرجالة يامعلم

زهرة.اه عارفة عقبالك ياد*ك البرابر بس على الله يقبلوا بدخولك هناك هبقى افكر اعملك واسطة

عبدالله .اللى تقدرى تعمليه اعمليه ف*جينى

المهم دلوقتى فى فرخة ناقصه من عندى قوليلى متكونش دخلت عندك الكوافير

زهرة بدهشه.فرخة ييييه هى الفرخة دى بتاعتك انا اه لقيتها تايهة عندى فى المحل بس معرفتش مين ممكن يكون صاحبها فعطيتها لأم عامر قولتلها تحشيها وتشويها وتأكلها لعيالها على الغدا الف صحة وهنا على قلوبهم

سابته وبتمشى

عبدالله.اه يابنت الحرام انا بكرة اوريكى

دخلت كوافيرها وهى بتبص عليه وبتضحك على الغيظ اللى كان فيه

لكن نده عليها ابوها.زهرة.يازهرة

خرجت زهرة.نعم خير بتنادى عليا بصوت على كده ليه

ابوزهرة.تعالى هنا احكيلى هو اللى سمعته ده حقيقى وبجد ولا كلام ع الفاضى بقى انتى كنتى فى القسم امبارح

معقول فواز بلغ عنك.انتى من الاساس ازاى تعملى كده فى نسيبنا

زهرة..ييييه عليك بجد هو ده اللى فارق معاك بس انى مكانش ينفع اعمل فيه كده.لكن كان ينفع اللى عمله مع بنتك واللى بيعمله كل يوم فيها هى وبناتها

لا مش مكفيك كمان ده انت جاى تطمن عنه وعن اللى عملته فيه وزعلان وبتزعق بس هقول ايه صحيح ماهو راجل زيه زيك حقه يعمل اكتر من كده

ابو زهرة .استنى عندك هنا.على الاقل احترمينى شوية واعرفى انى مهما كنت ابوكى والمفروض تتكلمى معايا بطريقة احسن من كده شوية ولا انتى نسيتى

زهرة.انت لو فعلا اب وشايف نفسك اب ومطلوب مننا اننا مننساش مكانش واحد زى فواز اتجرأ انه يعمل في بناتك كده لايمد ايده على واحدة ولا يحبس التانية

وسابته ومشيت من قدامه.

...

فى بيت يوسف وهنادى قعدين بيفطروا

هنادى..يااااه طلعت مش سهلة خالص اللى ماتتسمى .انا كنت قولت محدش هيبصلها على مصايبها.بس طلعت مش سهلة بجد عرفت تقع على واحد وتوقعه على بوزه ومش بس غريب ومش من المنطقة لاء ده غريب عن البلد كلها اه لازم علشان ميعرفش عمايلها ولا يعرف حاجة عنها .بس صحيح يايوسف تفتكر هى من امتى معاه من زمان يعنى

يوسف.انا مالى ياستى وهعرف منين ماتعرفه من وقت ماتعرفه هيفرق معانا فى ايه

هنادى.صحيح بس تصدق الشاب حلو وزى القمر مش عارف بص لواحدة زيها على ايه بس هى مظبطة دنيتها

انت متعرفهوش ولا ايه

يوسف.لا معرفهوش

هنادى.انا كمان اول مرة اشوفه عندها فى المحل

شكلها كانت تعرفه ومخبياه عن الكل علشان ميعرفش ولا يسمع عن فضايحها

يوسف.فى ايه ياهنادى بقالك ساعة واجعه دماغى بزهرة وحبيب زهرة لو مش هتعرفي تخليكي فى حالك على الاقل خلينى انا فى حالك

هنادى.اتعصبت عليا جامد يايوسف ايه غيران على حبيبة القلب ولا ايه

يوسف.تعرفى ياهنادى انتى حرام الواحد يقعد ياكل معاكى لقمة ولا حتى حرام اصلا اخد وادى معاكى فى الكلام حرام انا غاير فى داهية نازل المحل.

سابها يوسف ونزل شغله

ونرجع للكوافير والبنات شايفة شغلها مع الزباين وزهرة برة المحل بتتكلم فى التليفون

ابتسام بتتكلم مع زبونة.ايه ده ايه ده اللى انتى بتقوليه جيبتيه منين ياعبلة ربنا يهدك ويقصف عمر اللى بيتكلم الكلام ده لاء طبعا محصلش كدب اللى اتقال كله

عبلة.وانا هجيبه منين يعنى ما هو كل الشارع بيتكلم وبيقولوا شافوا عربية البوليس وهى جاية تقبض عليها من قدام المحل

دينا.نعم نعم ياحبيبتى هى مين دى اللى جت عربية البوليس تقبض عليها لا ياستى هما بس بعتولها علشان يسألوها كام سؤال مش اكتر ورجعت نامت فى بيتها وعلى سريرها

عبلة الزبونة.لا بجد طيب وكان ليه هيبلغ عنها من الاول لما هيروح يتنازل فى الاخر

زبونة تانية.اه وقالوا مضيت تعهد على نفسها انها لو رجعت اتعرضت له مرة تانية هيدفعوها غرامة اد كده ومش بس غرامة لاء ده كمان هيحبسوها علشان ملتزمتش بالتعهد اللى مضيته

زهرة.نعم,هى مين دى اللى هيحبسوها علشان مخدتش بالى الكلام على مين