الجزء الثامن

1471 Words

الزبونة بقلق.ايه لاء لاء انا رديت على اللى اتكلموا وقولتلهم الا زهرة محدش يقدر يقرب منها هو فيه زى زهرة ده انتى حبيبتى زهرة.اه ما انا عارفاكى وعارفة اللى عندك اصيلة وبنت اصول اومال اتفتح الباب بتاع الكوافير ودخلت ام رشا وقلقت رشا اول ماشافتها ام رشا.صباح الخير زهرة.صباح النور ياست نجوى اهلا بيكى بس غريبة جاية قبل ميعادك يعنى ام رشا.لاء يازهرة مش جايه علشان اصبغ انا بس عايزاكى برة فى كلمتين رشا.ماما مش وقته ام رشا.انتى اسكتى وخليكى فى اللى انتى فيه خرجت زهرة مع ام رشا من المحل ووقفوا قدام الباب زهرة.خير يانجوى قلقتينى فى ايه ام رشا.زهرة انا طولت بالى على اخوكى كتير وهو على نفس الحال بقالنا 3 سنين فى الخطوبة وهو ولا جد عليه جديد لا بيت اتجاب ولا ميعاد جواز اتحدد بس خارجين طالعين فسح وهزار وضحك قدام العالم والناس وده كده اتخطى كل الاصول انا مبقاش عندى استعداد استحمل الوضع ده اكتر من كده لحد كده وكفاية بقى زهرة.نجوى ياحبيبتى انتى يعنى شايفة فيه حد دلوقتى بيقسط شقق ولا انتى شايفة ان زيكو نايم على ضهره وفارد رجليه ومطنش ولا مثلا مش عايز يتجوز دلوقتى قبل كمان شوية والراجل شغال ليل مع نهار عامل زى الثور فى السقيه علشان يعرف يعيش بنتك عيشة محترمة ومرتاحة ويكفيها ويكفى بيته وكله علشان خاطر بنتك ان رشا.اااه انتى كمان بتلومينى انه بيشتغل .طب وليه يشتغل مابلاش منها الشغلانة وناخده احنا نصرف عليه ايه رأيك وبلاش منها الجميلة دى زهرة,لاء منقبلهاش والله احنا معندناش رجالة بتعيش على شقا الحريم بتوعهم.بس انا مش فاهمة ايه اللى حصل وانتى ليه فجأة كده استعجلتى مش كان كلامك من الاول ان لسه الاولاد صغيرين بلاش الجواز بدرى وبعدين ليه قلقانه ماهما سوا وبيحبو بعض ولسه صغيرين يعنى لسه العمر كله قدامهم ام رشا.اااه لسه بدرى لأخوكى لانه راجل مفيش حاجة بتعيبه لكن انا بنتى بتكبر انا بنتى بقى عندها 23 سنة هستنى لحد امتى تانى زهرة.اووووف 23 سنة كتير انا فكرتك بكبرت دى هتقولى دى اكبر من كتاب التاريخ ذات نفسه ام رشا.لاء بقولك ايه يازهرة الافكار بتاعتك دى تخليها ليكي انتى تنفعي بيها نفسك لكن متمليش دماغ بنتى بكلام زى ده انا مكبرتهاش وعلمتها وخليتها عروسة زى الفل تملى العين علشان تيجي انتى بكلامك ده تخليهالى تعنس زيك شوفى يزهرة هما قدامكم شهرين يا اخوكى بيكون جهز شقة يا اما كل واحد فى طريق ويشوف حاله بعيد عن التانى بقى واضح وسابت ام رشا زهرة ومشيت لكن ظهر قدام زهرة فجأة عمال بتخرج كراتين بضاعه وكراسى كوافير من محل جنب المحل بتاعها وهى بتتف*ج علشان تشوف انس واقف مع صحب المحل المعلم رياض.ان شاء الله الف مب**ك عليك ويارب يكون وش الخير عليك وتبقى سلسلة محلات انس.يارب يا معلم رياض الله يبارك فيك ويسمع منك ربنا وان شاءالله تكون فاتحة خير بينا قربت زهرة وبتوجه كلامها للمعلم رياض زهرة.ايه ده ايه ده رجع الحاجة دى تانى جوة هو انت ب اى حق اصلا بتخرج بضاعتى من المحل رياض.هو ايه اللى ب اي حق ؟بحق انى اجرته ياستى زهرة.اجرته ازاى يعنى اجرته مش على اساس اننا متفقين انى هاخده منك علشان اكبر المحل بتاعى ازاى يعنى ترجع فى اتفاقك رياض.لا متفقناش زهرة.ايه.ازاى يعنى متفقناش اومال بضاعتى جوة بتعمل ايه لا احنا اتفقنا وكمان اتكلمنا فى كل التفاصيل وعمالة احوشلك كل قرش بيدخل علشان احضرلك اول دفعه لأن سيادتك م**م انى ادفع ايجار سنة مقدم رياض.بقالى شهرين مستنيكى شهرين 60 يوم بتستخدمى المحل مخزن لبضاعتك ومتكلمتش ولسه مشوفتش منك قرش صاغ .الاستاذ جه فى اقل من عشر دقايق دفعلى سنة مقدم وضعف المبلغ اللى اتفقتى عليه كمان وبعدين انا وانتى مفيش بينا عقد علشان تيجي تلومينى على انى اجرت محلى بعد م استنيتك شهرين من غير م اطالبك بجنيه واحد زهرة,اصلا الراجل المفروض بتكون كلمته هى العقد رياض.والله طيب ياستى انا مش راجل سيبت الرجوليه ليكى ستاذ انس الف مب**ك واتفضل المفتاح بتاع المحل وقبل ما يمد انس ايده ياخد المحل كانت زهرة سبقته واخدت المفتاح وشالته فى ص*رها وهى بتقول طيب اهو فى الحفظ والصون رياض.زهرة هاتى المفتاح بالذوق بدل ما اضطر اخده منك بالعافية زهرة.المحل ده بتاعى محدش هياخده غيرى ولو حصل وحد اخده هخلى وشه فقر عليه ورينى بقى هيفتح ازاى انس.ولا يهمك يااستاذ رياض انا كده كده كنت هأجر القفل القديم رياض.زهرة معاكى لبكرة تكونى لميتى باقى بضاعتك من المحل انا مش عايز مشاكل ووجع دماغ عن اذنك يااستاذ انس مشى رياض ووجه انس كلامه لزهرة انس.معلش ماتزعليش نفسك هو بس متعصب شوية يوم ولا اتنين ويهدا ويروق وبعدين انا او انتى العملية فى بيتها مفيش فرق بينا يعنى زهرة.لا ياشيخ ياماشاء الله لاء والله ايه الشهامة دى كلها بجد مش عارفة اقولك ايه ولا عارفة ازاى اشكرك انس.لا ياستى ولاتشكرينى ولا حاجة مفيش بينا الكلام ده وبعدين احنا بقينا جيران والجار قبل الدار والرزق ده ربنا بيقسمه حسب ارادته وعندى عندك مفيش فرق زهرة.يعنى من بين كل المحلات ملقيتش غير المحل ده هو اللى تقرر تأجره انس.طيب اعمل ايه مفيش محل تانى عجبنى غيره للاسف وبعدين مكنتش اعرف انك عايزة المحل ده بالذات زهرة.اه طيب واهو انت عرفت هتعمل ايه انس.للاسف مفيش حاجة تتعمل مضينا العقد خلاص ودفعت الفلوس كمان سنة قدام زهرة.اه يعنى بفهم ايه انا دلوقتى من كلامك انس.صدقينى والهل انا لو بعرف من الاول انتى وهو في بينكم اتفاق مكنتش حتى فكرت اتف*ج على المحل ولا ابص ناحيته لكن علشان خاطرك بس انا هحاول الاقي حل معاه وادعى ان شالله ان شالله يارب يوافق بس يرجعلى فلوسى زهرة .اسمه هقولك كلمتين انت جديد على المنطقة و اكيد متعرفنيش ولا لسة سمعت عنى علشان خاطر تريح دماغك انت تروح دلوقتى تفسخ العقد بينك وبينه وتتنازل عن المحل وبلاش تخلينى احط فى دماغى ماشى ب الاذن سابته ومشيت ورن تليفونه انس,يااهلا اهلا بالمعلم ظافر تصدقنى لو قولتلك انى لسه بطلع الموبايل من جيبى علشان اتصل بيك ظافر.صديقى الجميل انس ايه فينك يعنى اختفيت و الفلوس لسه موصلتليش خير ان شالله المانع خير انس.متقلقش هيوصلوا يومين تلاتة بالكتير والفلوس تكون عندك هى بس حصلت معايا مشكلة صغيرة وبتتحل ان شاء الله ظافر..اااه بس اللى سمعته غير كده انا عرفت انهم وقفوك فى الطريق وفتشوا البضاعه وملاقوش معاك حاجة انس.ماشاء الله عليك مفيش حاجة بتستخبى عنك معاك حق كان فعلا فيه حد مبلغ عني وكنت شاكك فيه فحبيت اعمله فخ واعرفه فعملت فيلم انى حملت البضاعه اللى فيها الفلوس علشان تأكد من ظنى واتأكدت يامعلم ظافر اتأكدت بس متقلقش فلوسك فى الحفظ والصون ظافر.يعنى فلوسى معاك موجودة انت متأكد انس.متقلقش يامعلم ظافر فلوسك موجودة وهتوصلك بالتمام والكمال انت بس استنى عليا يوم ولا يومين علشان العيون مفتحة عليا شوية ظافر.ماشى يا انس انا هبعتلك حد من عندى ياخد منك الفلوس وانت ابعد عن العيون المفتحة انس.لا يامعلم ظافر انت ليه بتعمل كده م انت عارف انى مش بحب حد يعرف عني حاجة اصبر عليا بس يومين تلاتة وفلوسك هتوصلك زى كل مرة ظافر بقلق وحس بكدب انس.ايه بقى الكلام اللى اتغير ده يا انس هما مش كانو لسه يومين بقوا تلاتة كده فى اقل من دقيقة انس.يامعلم مفرقتش يومين من تلاتة ظافر.طيب شوف بقى ياانس.هما يومين وفلوسى تكون عندى بعد اليومين متسألنيش على التصرف اللى هتصرفه اتقفل الخط بس كان انس مش واخد باله من يوسف اللى واقف مركز معاه وبيتصنت عليه وقفل مع ظافر واتصل على سمير ونسيب انس وندخل من تانى كوافير زهرة اللى كانت عمالة تتصل بحد مش بيرد وهى متغاظة وعلى اخرها زهرة.انا اللى غ*ية انا اللى حمارة انا اللى هبلة انى وثقت فى كلمة واحد زي ده يموت على القرش مالهوش كلمة انا غلطانة كان لازم ادفعله عربون ومضينا عقد من وقت م اتفقنا ابتسام.معلش يا زهرة يعنى انتى كان معاكي تدفعى واستخسرتى مثلا زهرة.ايه الق*ف ده كمان وهو انا مفيش مرة اتصل بيها دى وترد عليا دينا.هى مين دى يازهرة اللى مبتردش زهرة.تبع البنك دينا.بنك.بنك ايه ده مش عارفة ليه يازهرة بحس انك انتى فاكرة نفسك عايشة فى سويسرا كبري دماغك بقى وانسى المحل ده مالكيش فيه نصيب زبونة.بس تفتكرى مين اجره يازهرة من رياض زهرة,واحد لا معروف له اصل من فصل جه على المنطقة امبارح مكانش لاقى مكان يقعد فيه واهو النهاردة بقى صاحب محل رشا.زهرة عملتى ايه مع ماما زهرة.بعدين نتكلم .روحى بس كده بصى من الازاز اذا كانوا رجعوا البضاعة جوة المحل تانى ولا لاء رشا راحت تبص.اه بيلموها.ايه ده مش ده يابنات الشاب بتاع امبارح اللى جه ياخد مياه علشان عربيته سخنت راحت ابتسام ودينا وكمان الزباين اوووه ده جميل.ايه الحلاوة دى.ايه الوسامة دى.ده قمر اوى .اهى دى الرجالة مش اللى عندى فى البيت ومفكر نفسه حاجة بقيت كل واحدة منهم بكلمه وعنيهم هتخرج عليه وزهرة واقفه هتموت من الغيظ ايه ده بقى انتم ستات انتم ايه عمركم ماشوفتوا رجالة قبل كده فى ايه ماتتلمى منك ليها زبونة.لا لو على الجمال ده يبقى مشوفناش رجالة زهرة.ده انتى ست مش محترمة صحيح يلا اطلعى ارميله نفسك من الشباك ماهو ده اللى ناقص رشا.اوووف على عنيه ايه الجمال ده دى تجنن هو فى كده دينا..هههه ياخيبتك بقى هى دى اللى انتى ركزتى فيها عنيه حلوة ازاى.ده انتى طيبة اوى وعلى نياتك زهرة بعصبيه.ديناااا فى ايه مالكم انتم اتجنيتو ولا ايه مالكم سيحتوا كده ليه شبه الايس كريم يلا ياحبايبى ادخلوا شوفوا شغلكم بلاش هبل ومياصة فارغه ايه ياست رشا نسيتى زيكو نسيته وانتى ياختى نسيتى سى فادى بحبه يابابا بحبه

Free reading for new users

Scan code to download app

App Store Google Play

Facebookexpand_more