ورطة حب

الجزء التاسع

وفى بيت قديم لراجل كبير فى السن قاعد لواحده خبط باب بيته قام من على الكرسي بتاعه وسند على عكازه وقام فتح باب الشقة بتاعته وكان اللى بيخبط على الباب هو جد زهرة

الجد.جيبت الطاولة قولت اجي اونسك واتونس بيك ونلعب لنا عشرتين كده

صاحب البيت.يااهلا يااهلا جيت فى وقتك والله ايه جاهز افرمك عشرتين تلاته طاولة

الجد.شوف شوف مين اللى بيتكلم انت نسيت مين اللى اتغلب امبارح باين عليك ناسي مين اللى كان بيعيط على حظه امبارح وهو مغلوب الليل كله

بس غريبة يعنى البيت هادى ومفيش صوت ان شالله مفيش شر

صاحب البيت صبحي.هادي مين قال انه هادي دى حتى وهي مش موجوده اثرها موجود انت مش شايف البيت مقلوب ازاي بص حاجتها وكراكيبها ماليه البيت ازاى ده كتر خيرها وكويس اوى انها سابت ليا الكنبه دي علشان اقعد عليها

الجد.هههه الله يديمكم فى حياة بعض .يلا بقى نبداء اللعب خلينا ا**بك وارجع البيت

صبحي بيضحك وقطع ضحكه الباب وهو بيتفتح ودخلت نجوى ام رشا وصبحي طلع جوزها ابو رشا

دخلت هي ومعاها هنادي مرات يوسف

نجوى.ادخلي ادخلي ياهنادي اتفضلي

ايه ده ياصبحي طاولة تانى انتم ايه مش بتزهقوا مفيش فى حياتكم غير الطاولة ليل ونهار

صبحى.ورانا ايه تانى غير الطاولة

هنادي.ايه ياجدو مسعود انت خلاص بقيت عايش هنا مفيش مرة اجي فيها لنجوى الا والاقيك قاعد هنا

الجد مسعود.طيب خير ياهنادي اهو ب**ب شوفتك وبت**بي شوفتى

صبحي.طيب قوم يامسعود قوم نقعد فى البلكونة

نجوى.لاء البلكونة فيها شغلي ومش هينفع افضيها دلوقتى

الجد مسعود.خلاص ياصبحي ولا يهمك انا همشي دلوقتى اشوفك وقت تانى يلا بالأذن

نجوى.اذنك معاك

صبحي.معلش يامسعود ياخويا مش عارف اعتذرلك ازاى

الجد مسعود.لا ولا يهمك خلاص اتعودنا عليها وعلى كلامها تتعوض بس حظك دى رحمتك من الفرم النهاردة هههه

خرج مسعود بعد ماوصله صبحي وكانت نجوى واقفه مع هنادى وبتقولها انها جايلها بضاعه جديدة بليل هي بتشتغل فى الهدوم الحريمي

نجوى.صبحي ادخل اعملنا قهوة .واعملهالنا حلوة بالظبط زى هنادى

ياهنادى الشغل اللى جاي بليل ده فيه شوية حاجات مخصوص للزباين الغاليين اللى زيك

فيهم حاجات جايباهالك مخصوص علشان خاطرك وشوفي الموديل ده مرسوم عليكي

هنادى.بس مش مكشوف شوية

نجوى.مكشوف.وماله يعنى مكشوف.اهو تبيني انوثتك شوية يمكن تغري يوسف شوية وميشوفش قدامه غيرك خدي يلا ادخلي قيسيه

دخلت هنادى تقيس الفستان

هنادي.نجوووى سمعتى اخر خبر

نجوى.خير ياست هنادي ابشري وخبري

هنادى.مش زهره بتحب جديد

نجوى بضحك واستهزاء.زهرة.بتحب .هههه حلوة دى

ومن مين جيبتى الخبر الجديد ده

هنادي.هي بل**نها اللى قالتلي شوفته معاها امبارح فى المحل وقالتلي انه حبيبها

نجوى.وده مين بقى وظهر امتى وفجأة كده

هنادى.ظهر امتى فى حياتها معرفش بس اكيد من فترة وهما سوا لكن الاكيد انه مش من هنا لهجته فيها حاجة كده تدل على انه من محافظة تانيه

...

وعلى القهوة قاعد عبدالله بتاع الفرخ مع بتاع الخضار

عبدالله.اسمه انس ياسيدى بيقولوا شغال منجد واخد محل رياض علشان يفتحه منجد ويبقى جنبها الحب بقى وعمايله

بتاع الخضار.ايه اللى بتقوله ده ياعبدالله انت بتتكلم جد بقى زهرة بتحب وتعشق

عبدالله.هو انت ازاى مسمعتش دى الحارة كلها عارفة واهو اخد المحل اللى جنبها علشان يبقى لازق لها فى الرايحه والجاية وطول اليوم

وفي السوق

توفيقة ومعاها زبونة واقفين على عربية الخضار

الزبونه.توفيقه بتهزرى بقى زهرة بتحب

توفيقه.دى بتعشق كمان واهو اخد المحل اللى جنبها علشان ميبقاش بعيد عنها

الزبونه.المحل اللى كانت عايزاه علشان تكبر الكوافير بتاعها معقول سابته بالسهولة دى ياخبر دى كانت بتحوش فى فلوس ايجاره بقالها سنه معقول كده عادى سابته

توفيقه.اهو شوفتى عايزة دليل ايه اكبر من كده سابت المحل اللى كانت عايزة طول عمرها تاخده علشان يبقى بس حبيب القلب جنبها وقدام عنيها من كتر مابتحبه وتغير عليه

وطبعا الكلام ده بقى بيلف فى المنطقة كلها وبقيت سيرة زهرة وانس وعلاقة الحب اللى بينهم منتشرة فى كل المنطقة اصل زهرة كانت تقيله ومش بيعجبها العجب والكل بيغيروا منها والرجالة دايما كانت عنيهم بتطلع عليها ف انها تحب وتعشق كان موضوع لازم كل المنطقة تتكلم فيه

واللى يقول ده متجوز وعنده اولاد واللى يقول دى اخلاقها مش كويسة وهتخرب بيت واحدة ست متجوزة الراجل ده وتشرد عياله

....

وفى ورشة زيكو واقف معاه ابوه

زيكو.معقول اللى بتقوله ده يابابا انت بتقول ان زهرة بتحب راجل وبتخرج معاه وكمان متجوز ومخلف

الاب.اه معقول هو انت متعرفش ان الحتة كلها بتتكلم عنها ومفيش حد له سيرة غير سيرتها هى والراجل اللى ماشية معاه

زيكو.انت ازاى تصدق كلام زى ده اومال لو زهرة دى مش بنتك وانت المفروض اكتر واحد تعرفها وترد بدالها

الاب.اه انا اكتر واحد اعرفها.وعلشان كده بقولك زهرة انا ماليش كلام معاها انت روح قولها تتلم وتقطع علاقتها بالراجل ده ومش عايز فضايح ده ايه المصايب اللى بتجيلى من وراها دى انا بعد العمر ده كله سيرتي تبقى على ل**ن اللى رايح واللى جاى

زيكو.مين اللى بيقول يابا انت اخر واحد تتكلم اللى ماسك اوتيل ومشغل حريم لحسابه مالهوش حق يتكلم عن زهرة .بدل ماتفتح ودانك على اللى بيتقال عن زهرة اختي وبنتك افتح ودانك لكلام الناس عليك الاول.الناس مفيش وراها شغلة ولا مشغله غير الكلام الكتير

الاب.اخرس ياواطي صحيح م انت ابن امك عيل واطي ومشوفتش تربية

فى بيت فواز وعلى الفطار قاعد مع ميسم والبنات بيفطروا

فواز.شوفتى اللى بتملى دماغك وعايزة تخرب عليكي اهى سمعتها على ل**ن اللى رايح واللى جاي كل الناس موراهاش غير زهرة وعلاقتها بالراجل اللى اجر المحل اللى جنبها علشان ميبقاش بعيد عنها بتمثل علينا بس انها شريفة وهى اكبر واحدة دايرة على حل شعرها

بنت فواز وميسم.متتكلمش كده عن خالتو زيزى

فواز بغيظ وكره.انتى قولتى ايه دلوقتى يابت انتى

ميسم.خلاص يافواز مقالتش حاجة البنت مقالتش حاجة كمل اكلك

كلي ياسحر يلا

سحر.لا قولت متتكلمش كده عن خالتو زيزي

فواز وهو بيشد شعر سحر.عارفه لو سمعت صوتك مرة تانيه هقطعلك ل**نك ده واكتمك طول عمرك علشان تعرفي تردي عليا تانى

ميسم.خلاص يافواز البنت مقالتش حاجة هى مش قصدها

صح ياسحر صح ياحبيبتى قولى لبابا ان انتي مش قصدك تقولى كده ولا قصدك تضايقيه

فواز,قولى يابت قصدك ولا مش قصدك قولى انطقى بدل ما اطلع روحك في ايدي

سحر بغيظ ومن تحت اسنانها.مش قصدي

فواز,وايه كمان ؟

سحر.بعتذر

فواز رجع مكانه.ايوة كده جاتكم الق*ف عليكم وعلى ربايتكم

وبعد كده قام خرج من البيت

سحر قامت بعصبية

ميسم,رايحة فين

سحر.رايحه عند جدو

.....

وفى المنطقة اللى فيها محل انس وكوافير زهرة كان يوسف واقف بيقطع اللحمة وهو بيبص على انس بمنتهى الغل والحقد

كان انس بينزل الفرش بتاع المحل بتاعه ومعاه سمير

سمير.الف مب**ك يامعلمي الف مب**ك علينا يارب يجعله فاتحه خير ووش السعد عليك يامعلمى

انس.اسكت ياسمير وطي صوتك.تعالى بس وقولى جيبت الاخبار اللى قولتلك عليها

سمير.عيب عليك يامعلمى كل اللى انت طلبته وزيادة

انس.طيب مستني ايه ماتقول بدل الدوشة اللى انت عاملهالى على الفاضي دي

سمير.المنطقة كلها مالهاش سيره غير سيرتها بيقولوا خلقها ضيق وعصبية ومبتسكتش على الغلط ولا بتسمح لحد يضايقها ولا حتى بحرف

انس.واضح.وايه كمان

سمير.خد الكبيرة بقى شايف الواد بتاع محل اللحمة ده

انس.اه شوفته ماله خير

سمير.بيقولوا انه كان مرتبط بيها بس سابها واتجوز واحدة تانيه ومن ساعة مافركشوا وهى بطلت تتكلم مع حد وبطلت كمان تحب الرجاله

انس.نعم

سمير.بطلت تحب الرجالة

انس.اخبارك منيلة.

سمير.يامعلمي.معلمي بقولك شايف البنت الصغيرة دى اللى لابسه اصفر

انس.اه مالها

سمير.دى سحر بنت اختها ميسم .دى بقى زهرة روحها فيها بيقولوا فولة واتقسمت نصين.روح متقسمه على جسمين

يعنى زهرة معندهاش نقطه ضعف في حياتها غير البنت دى وبس عندها اهم من روحها كمان

سمير.ايه رأيك فيا يامعلمي

انس.الله لايسامحك ياسمير ياابن عفيفه

سمير.صحيح يامعلمي فيه كراتين كتير فى المحل هنعمل فيها ايه

انس.لموهم على جنب وكمل اللى بتعمله دى حاجة صاحبة الكوافير كانت شايلاهم فيه على اساس انها هتأجر المحل على حظى اخدته انا

يلا كمل شغلك

خلص انس كلام مع سمير اللى راح يكمل شغله

ووقف يتف*ج على يوسف اللى كان مركز مع انس وبيبص عليه بصات كلها غيره وحقد

فى الكوافير البنات مع الزباين

رشا.اعدلى ايد*كي كده ايه منظر الضوافر دى بقى دى منظر ضوافر لسه معمولة من كام يوم بس

الزبونة.عايزانى اعمل ايه يعنى ده مهما بصرف عليهم ولا بيطولوا ولا بيتعدلوا

رشا.وانتى ازاى عايزاهم يتعدلوا ويطولوا ويبقى شكلهم حلو طول ما انتي مقضيه اليوم كله على الحوض وغسيل المواعين والتنضيف

الزبونة.اومال عايزانى اعمل ايه اقعد اتحنط يعنى علشان عملت ضوافرى ولا اشوف مصالحى ولا شغل البيت

ابقى شبه الحريم اللى يقعدوا اسبوع سايبين الدنيا تض*ب تقلب علشان عملوا ضوافرهم يعنى

دخلت زبونه جديدة من باب الكوافير

صباحكم خير يابنات.عاملين ايه النهاردة

البنات.صباح الخير يانوال انتي عامله ايه

نوال.فينها زهرة مش موجودة ولا ايه

دينا.راحت مشوار.الله يستر

ماريهان.اوووووف ايه ده ياابتسام ايه اللون ده حرام عليكي اورااااانج لاء مش ممكن صعب صعب

نوال.واوووو ايه اللون التحفه ده ياابتسام روعه عليكي يامدام ماريهان تحفه فنية شبه الفنانات

ابتسام عايزاكي تعملى ليا نفس اللون بليزززز بس يطلع بنفس الدرجة

ماريهان.بجد رأيك كده يانوال

نوال.روعه ده هيبقى تحفه لما يتعمل سيشوار كمان

دخلت سحر فجأة .صباح الخير

ابتسام.صباح الخير سحورة حبيبتى تعالى ادخلى

سحر.فين خالتو زيزى

ابتسام.راحت مشوار وراجعه بسرعه تعالى ادخلى استنيها

سحر.هتتأخر

ابتسام.مالك ياسحر في حاجه حصل حاجه فى البيت

سحر.لاء.لاء وسابتها ومشيت

وخرجت وراها ابتسام لكن ملحقتهاش بس ابتسام شافت سمير وانس واقفين قدام المحل راحت ناحيتهم

ابتسام.العوافي

انس.اهلا وسهلا بجارتنا نورتي

سمير.اهلا اهلا ياجارتنا

ابتسام.يعني شايفاكم بتفرشوا المحل خلاص

انس.اه ان شاء الله يومين تلاته ونفتح لو احتاجتي اي حاجة في التنجيد عنيا ليكي وعلى عيني وراسى انا مش هنسى جميلك ابدا كتير خيرك

ابتسام.اهلا ان شاء الله خير

سابتهم ورجعت المحل

بس كان انس لامح سحر وهى ماشيه لبعيد فكلم سمير

انس.اختها عندها غيرها

سمير ساكت

انس.انت يازفت بقولك اخت زهرة عندها اولاد تانية ولا بس سحر

سمير.لاء عندها بنتين تانيين غير سحر

انس.ابوها البنت دى هو اللى اشتكى زهرة وبلغ عنها صح

سمير.اه هو اسمه فواز موراهوش حاجه غير انه طول الوقت نازل ض*ب فى مراته وبناته الله يلعنه من بين الرجالة وبينتقم منه

وقف انس ولسه سحر واخده عنيه ليها وابتدا يمشى فى نفس اتجاهها