الجزء الثاني عشر

1441 Words

فادى بيفتح التلاجة فى بيت دينا جعان وعايز ياكل لكن ملقاش حاجه وفتح الفريزر كمان ملقاش حاجة رجع فتح تانى باب التلاجة يتأكد وفعلا شاف فى باب التلاجه بيضايه واحدة بس فى نفس الوقت ده كانت دينا قاعده قدام مرايتها فى اوضة النوم بتجهز وبتحط الميك اب الاوفر بتاعها كالعادة وفادى برة بيولع البوتجاز وبيمسك ازازة الزيت علشان يلاقيها فاضيه ويبداء يدور على اى سمنه او زبدة علشان يقلي بيهم البيضايه اليتيمة اللى كانت فى التلاجه كانت جهزت دينا بعد شوية وقت بعد ماخلصت لبس فستان ضيق قصير وا**سوارات كتير جدا ومكياج اوفر اوى وكأنها رايحة تسهر فى ديسكو مش رايحه شغلها وحطيت البرفان ابو ريحة نفاذة وكانت شبه عرايس المولد من كتر الافورة برغم ان هى فى الطبيعى حلوة وملامحها جميله جدا ورقيقه بس دايما بتحب تحس انها مثيرة برغم انها كمان مش بتعمل ده علشان تلفت انتباه اى راجل تانى هى بتحب فادى ومقتنعه بيه وحتى مش بتخطط انها تبعد عنه قامت وقفت قدام المراية بتتف*ج على نفسها وهى بتكلم فادى بصوت عالى دينا.فووفوو حبيبى عايز حاجة فادى كان بيطلع اخر رغيف موجود فى التلاجه وبص ناحية اوضة دينا وراح يعمل ال**ندوتش اللى بيحاول يعمله من بدرى يمكن يشبع خرجت دينا من الاوضة وهى بتلبس الشوذ بتاعتها دينا.ايه الريحة دى يافادى؟ فادى.لو كنت قليتها بالزيت مكانتش طلعت الريحة بالشكل ده دينا.سمنة كده على الصبح يافادي؟ فادى.طيب هعمل ايه يعنى ملقيتش غير سمنه وبيضاية واحدة وانا جعان وجدا كمان تخيلي بقى راجل طويل عريض اد الحيطة بيفطر ب بيضايه واحدة دينا.طيب ياحبيبى كنت نزلت عديت على السوبر ماركت واشتريت اللى انت عايزه انا مش بيكون عندى وقت اعدى اشتري حاجة فادى.هو انتى مينفعش تعدى فرصة من غير ماتلقحى عليا بالكلام وتحرقى دمي دينا.الله ليه هو انا قولتلك ايه ؟ فادى.ايه اللى قولتيه.. ما انتى عارفه انى معييش فلوس لو كان معايا كان زمانى مالى التلاجة كلها دينا.بتطلع فلوس من شنطتها وتديها لفادى خد الفلوس اهى روح السوبر ماركت واملا التلاجة زى ماتحب فادى.لاء مش عايز شيلي فلوسك وانا خلاص هاخد بعضى وامشى دينا.فى ايه يافادى انا مكانش قصدى وبعدين هو من امتى يعنى كان فيه فرق بينى وبينك خد الفلوس وبلاش تقل دمك انا معنديش طولة بال لتقول واقولك وتقول واقولك الموضوع ابسط من كده ومش مستاهل نضيع وقت فيه يامجنووون وبقولك وانت خارج خلى بالك ان حد يشوفك ماشي اتفقنا فادى,لا ياحبيبتى متقلقيش ولا تشيلي هم دينا.باى فادى.باى خرجت دينا من البيت وفادى كمل اكل ال**ندوتش اللى عمله واخد الفلوس من على الرخامة حطها فى جيبه .... عند زهرة لسه العامل بتاع الكاميرات بيركبهم زهرة.لو سمحت يا استاذ محمود الكاميرة دى من فضلك عايزاها تبقى كاشفه الاتجاه التانى (تقصد اتجاه محل انس) رشا.صباح الخيرات زهرة.حبيبتى ازيك صباح النور رشا.في ايه يازهرة حاصل ايه وليه بتركبى كاميرات هنا زهرة.لا مفيش حاجة حصلت بس كده للامان يعنى احسن رشا.مفيش حاجة حصلت.حلو والله بقولك يازهرة زهرة.خير نعم رشا.اتكلمتى مع سحر؟ زهرة.لاء لسه مستنيه الخروف اللى هناك ده يخرج من البيت علشان اقدر اروح اشوفها واطمن عليها ادخلى انتى حضرى المحل ولو فيه اى مواعيد تخص السويت او الحمام المغربي الغيهم مش عايزة النهارده حد يدخل الاوضة اللى جوة رشا ب استغراب.ليه؟ زهرة.كده انا عايزة كده خلاص بقى بعدين هبقى اقولك رشا.اوك زى ماتحبي زهرة.ياريس عايزة الكاميرا دى كمان تنزلها لتحت شوية لأنها تقريبا بتراقب البلكونات وصل انس انس.صباح الخير زهرة.اهلا انس.طمنينى على بنت اختك بقيت عامله ايه دلوقتى زهرة كانت بتاكل لبان وبتحاول تعمله بالونه بتخرج من بين شفايفها وتفرقعها بصوت وتعمدت تعمل الحركة دى وهى مركزة عنيها على انس وكأنها بتقوله مش مرتحالك انس.ايه ده بتركبى كاميرات زهرة بتريقة.لاء ياراجل بركب صواريخ حربية انس.معاكى حق انا لو معاكي اركب صواريخ فعلا بعد اللى حصل ده معاكم من سرقة المحل للى حصل مع بنت اختك كنت حابب الفت نظرك بس محبيتش اتدخل واتطفل عليكي زهرة.صح انت فعلا مالكش دخل ها ياريس قدامك وقت اد ايه لسه عامل الكاميرات.خلاص شوية واخلص زهرة.طيب يلا الله يخليك استعجل شوية انس.اه صحيح افتكرت انتى امبارح الضهر قولتيلى انك عايزة تكلمينى بخصوص المحل زهرة.مشغولة دلوقتى انا مش فاضية انس.اه طبعا فاهمك ربنا يقويكي ويد*كى الصحة يارب انس.صح تانى بالنسبة لموضوعنا انا حليتهولك خلاص اطمنى زهرة.مش فاهمة موضوع ايه ده اللى انت حليته ؟ انس.اضطرينا انا وابوكى اننا نقرا الفاتحة زهرة.نعم بتقول ايه انت اضريت انت وابويا تعملوا ايه ؟ انس.نقرا الفاتحه زهرة.فاتحة ايه انت اتجننت ولا ايه ؟ انس.قرينا الفاتحه مالك فاتحة التوفيق علشان الناس ابتديت تاكلنا بل**نها انا وانتى من كتر الكلام واللى بيتقال ويتحكى عننا زهرة.يييه ييييييييه شوف ازاى ياماشاء الله ايه اللى كذبنا الكذبة على اول الشارع راح صدق عليها فى اخر الشارع ده كمان مجنون انت ولا ايه انس.وانا مالى انا الناس هى اللى صدقتها زهرة.نا اخر حاجة ممكن تشغل بالى الناس وكلامها دول اخر همي وبعد الاخر كمان انس.ابوكي هو اللى عمل حساب لل**نهم وكلامهم وقاللى الناس مش ساكته وسمعتنا بقيت على كل ل**ن وفى كل بيت فى المنطقة انتى اللى عملتى كده على فكرة مش انا وبعدين انتى اللى دبستينى بسببك كنت بتهدد يا ابوكى يطردنى فى نص الليل يا اما اكمل نص دينى ها كنتى عايزانى اعمل ايه اكيد طبعا قررت انى اكمل نص دينى زهرة.تكمل ايه ياحبيبى انس,نص دينى زهرة.يعنى ايه بقى الكلام ده انس.يعنى بقيتى دلوقتى حلالى على سنة الله ورسوله زهرة وبتضحك ضحكة استهزاء بصوت عالى.كمان ياماشاء الله كده مرة واحدة يعنى جهزتوا للفرح بقى بالمرة انس.لاء لسه لحد مانتفق انا وانتى بس المهم دلوقتى قوليلى صحيح امتى بقى نلبس الدبل زهرة بتبص لأنس بسخرية وتركيز انس.لا بلاش تبصيلى كده بتلغبطينى يسلملى الوش الحلو والعيون الكحيلة زهرة بضحك.طيب يلا بينا دلوقتى نلبس الدبل اهو بلمرة فيه كاميرات اهى هتصور ويدبحولنا خروف وينضفولنا فرختين ونحتفل بقى لاء بجد انت مش طبيعي اكيد انس,انا بتمنى بس وقبل ما يكمل كلامه كانت زهرة سابته واقف بيتكلم ودخل المحل بتاعها انس ركز مع اللى بيركب الكاميرات وقرر يتكلم معاه بعد احراجه من زهرة اللى سابته ومشيت انس.الله ينور ياريس تسلم ايدك العامل.الله يسلمك شكرا انس.واضح انك ركبت كاميرات كتير صح ولا انا غلطان محمود العامل .اه هى دى طلبات صاحبه المحل انس.وركبتها كاميرات جوة المحل ولا برة بس ؟ محمود.خير انت بتسال ليه ؟ انس.لالا الخير ربنا يكتبهولك بس انا جارها هنا وكنت بحاول اطمن منك الكاميرات كاشفين كل الطريق ولا هنا بس محمود.لا متقلقش ولا تشيل هم الكاميرات كاشفين الطريق كله من اوله لأخره انس بقلق.الله يقويك ياريس عن اذنك محمود,الله يخليك اتفضل انس طلع تليفونه واتصل بسمير سمير.ياصباحو يامعلمى انس.انت فين ياسمير بيه ليه لحد دلوقتى مفتحتش المحل؟ سمير.اى محل؟ انس.المحل اللى فى الحارة اللى جنب الكوافير اللى فيه الكرسى اللى جواه فلوسنا الدولارات ياسمير بيه شكلك نسيتها سمير.هو انت مش قولتلى ارجع البضاعه والشغل على الورشه؟ انس.انا قولتلك كده.بذمتك ده كلامى .طيب انا امتى قولتلك كده؟ سمير.مش انت اللى قولت لصاحبة الكوافير انها تقولى انك قولتلها انى ارجع البضاعه على الورشه؟ انس.ياشيخ روح الله ينتقم منك على عمايلك السودة ياشيخ الهى تن**ر ايدك على اد ما بعلمك برضه هتفضل ثور روح الهى يبعتلك حمى الثيران ياسمير ياابن عفيفه تعليماتك متاخدهاش غير مني انا ياغ*ي وحصريا فاهم سمير.طبعا انت هتفضل معلمى الغالى على راسى قفل انس الخط فى وش سمير اللى ركز فى التليفون علشان يتأكد ان الخط اتقفل سمير لنفسه.ايه ده مش هو اللى قال للملكة انها تقولى انه قالها ..ايه بقى اللغبطة دى خلينى اعمل اللى قالهولى وخلاص ... انس بيتصل بحد تانى.وحشتك اد ما وحشتينى؟ ...وصلت دينا للمحل ودخلت كانت رشا بتنضف المحل دينا.ايه الكلام ده كاميرات وشغل عالى رشا.الله يخليكي اسكتى وبلاش كتر كلام دينا.ايه فى ايه؟ رشا.لا فى ايه معرفش وزهرة مالها برضه معرفش هى قاعدة جوة فى اوضة التاتو ولغيت كل الحجوزات بتاعت النهاردة مش عارفه هى بتفكر فى ايه ولا ناوية على ايه دينا.ابتسام انتى اللى اكيد عارفه البير وغطاه احكي فى ايه وايه اللى فى راسها ابتسام.مفيش حاجة روحى شوفى شغلك فى اللحظة دى دخل يوسف للكوافير وهو بيفتح الباب وبيدفعه بقوة يوسف.زهرررة هى فينها زهرة ابتسام.اييييييييه انت رايح فين ياعنيا انت ازاى تدخل كده يوسف.لا رايح ولا راجع قوليلي فينها زهرة ابتسام.هو انت مش عارف ان الرجالة مينفعش تدخل للكوافير مفيش في وشك عيون تقرا بيهم اليافطة اللى على الباب زهرة.بسيطة بسيطة ياابتسام سيبيه يوسف مش محسوب على الرجاله اهلا وسهلا ياجوز هنادى شرفت طبعا كل البنات ضحكت على الكلمة ابتسام.رشا دينا تعالوا معايا على اوضة التاتو خلونا ننضفها يوسف.بقى هى بقيت كده يازهرة بقى انا مش محسوب على الرجالة؟ زهرة.لو كنت راجل مكنتش استنيت لحد النهاردة علشان تيجي تاخد حق مراتك انا لو كنت مكانك مكنتش اتأخرت ولا استنيت دقيقة واحدة يوسف.بقولك ايه يازهرة فكك مني وبلاش تستفزينى ماشى وشيلي بقى هنادى مراتى من دماغك زهرة.هو ليا انا بتقول الكلام ده يايوسف ليه هو انا اصلا حاطة مراتك انت فى راسى هى مش مستاهله ووصلها الكلام ده هى اقل بكتير من انها تاخد وقت من راسى مش بس مكان فيها يوسف.انتى اللى ابتديتى امبارح يازهرة.يعنى ينفع ويصح تقصيلها خصله اد نص شعرها من راسها يازهرة ؟ زهرة,تحمد ربنا انى مقصيتش ليها ل**نها اتفتح الباب ودخلت زبونة الزبونة.صباحو فل زهرة.جيتى فى وقتك ادخلى حبيبتى ادخل كده كده يوسف خارج خلاص

Free reading for new users

Scan code to download app

App Store Google Play

Facebookexpand_more