الجزء الثالث عشر

1251 Words

فتاة.خير بقالك كتير مبعتليش علشان تقولى عايزانى زهرة.تعالى عايزاكى فى خدمة خرج يوسف واخدت زهرة البنت ودخلت معاها اوضة التاتو وطلبت من ابتسام ورشا ودينا يخرجوا يشوفوا المحل ........ انس.عوافى يامعلم يوسف قالولى عندك احلى ساندوتشات طرب فى كل البلد لو تتكرم عليا بربع كيلو من ايد*ك اللى يسلموا يوسف.طرب.لاء معنديش البلد مليانه لو عايز روح دور على حد غيري اشترى منه انس.اعوذ بالله انا اروح اشتري من غيرك طيب يبقى عيب والله ده حتى بيقولوا الجار قبل الدار لاء انا مش هاكل غير من عندك انت يوسف.يا اخى انا حر ماليش مزاجك تاكل حاجة من عندى ليك عندى حاجة انت بقى انس.يلا خير خير خير يمكن معندكش مع انى كان نفسى فيه اوى انت عارف الطرب بقى مع سلطة الطحينة والخضرة اللى عليها رشة ليمون .عارف وانا صغي... قاطع يوسف كلام انس.استغفر الله العظيم هو فى ايه انت فاضى ياعم انت جاى تحكيلي قصة حياتك يعنى ولا ايه انا مالى انا بتحب ايه ومبتحبش ايه اكل ومالكش عندى شوفلك حتة تانية بقى غير عندى روح كل فيها انس.كتر خيرك كتير خيرك يامعلم يوسف محصلش حاجة عموما انا جارك هنا مأجر المحل اللى قصادك ده اللى جنب الصالون بشتغل منجد لو احتاجت اى حاجة تخص التنجيد انا فى خدمتك من عينى دى قبل عينى دى .الجااااار قبل الدار.يلا السلام عليكم يوسف بغيظ.غور بتقل دمك اللى يلطش ده بنى ادم بارد .... زهرة.ها.ها قولتى ايه ؟ هتعمليلى الخدمة دى؟ الفتاه.حبيبتى دى مش خدمة دى اسمها خربان بيوت انتى عارفه انا ممكن ايه اللى يحصل فيا لو حد قفشنى ؟ زهرة.ياستى محدش هيقفشك انتى ليه مكبرة الموضوع انتى بس هتحطيها وتخرجى وتسيبي الباقى عليا الموضوع كله مش محتاج اكتر من خمس دقايق الفتاة.يازهررررة زهرة.ياحلا انا حكيتلك الموضوع من اوله لأخره زى مابيقولوا من طقطق للسلام عليكم الله يخليكي ساعدينى انا ماليش غيرك وتؤؤؤمرينى الكوافير كله تحت امرك سيشوار صبغه ليس باد*كير مانيكير تاتو اااااااى حاجه اى حاجة انتى بس اؤمرى لكن نفذ*لي الطلب والخدمة دى الله يخليكي حلا.ياختى افرضي حد شافنى ولا حد شك فيا هعمل ايه ساعتها زهرة.ياستى لا حد هيشوفك ولا حد هيشك فيكي مش هيلحقوا بقولك القصة كلها مش اكتر من خمس دقايق ويمكن اقل مجرد انك هتحطيها تخرجى كفايه قلق بقى انا اللى هتحمل اى مسؤلية حلا.قلقانه زهرة.اتفقنا حلا.مش قادرة زهرة.قولى اتفقنا حلا.خايفة زهرة.اهئ اهئ قولى اتفقنا ها اتفقنا اتفقنا صح؟ حلا.اتفقنا.الله يستر عليا بقى ومديت زهرة ايديها ل ايد حلا بغرض الشكر على موافقتها زهرة.يخرررربيتك ايه الضوافر دى يا حلا ايه ده انتى مش م**وفة منهم ياهبلة انتى بقى دى ضوافر ليدي يلا انا عملك احلى ضوافر وباد*كير من ايدين زهرة حلا.حبيبتى انتى زهرة.عيونى انتى .... فى بيت فواز قاعد بيشرب سجاير وبيتف*ج على التليفون وبناته عمالين يلعبوا حواليه فواز,يابناااات صدعتونى غوروا ادخلوا جوة ياميسم تعالى لمى بناتك من هنا صدعونى خرجت ميسم من المطبخ وهى شايله صنية عليها اكل وشكلها مبهدل وشعرها شكله مرعب ميسم.حبايبى ادخلوا جوة على المطبخ الفطار جوة فواز.مش بيخلوا الواحد يعرف يشرب فنجان القهوة بمزاج ميسم.الف صحه وهنا طلع فواز العيش علشان ياكل وميسم دخلت البنات للمطبخ علشان ياكلو بس سحر كان فى الاوضة بتاعتها مخرجتش نايمة فى سريرها بتعيط ودخلتلها ميسم علشان تقولها تفطر مع اخواتها ميسم.سحورة .حبيبتى يلا قومى افطرى مع اخواتك سحر بتعيط ومش بترد ميسم بتوتر.سحوورة قلبى فيكي حاجة يا روحى سحر فى حاجة ياحبيبتى سحورة ياروحى فى ايه قامت سحر حضنت امها وزادت فى العياط حضنتها ميسم جامد وهى بتسالها.ياروحي انتى فى ايه مالك بس فهمينى ياحياتى انتى فى ايه طمنينى طيب حصل معاكى حاجة امبارح؟ سحر بتعيط وبس وساكته ميسم.طيب فى ايه قوليلى احكيلى اى حاجه حصل معاكى حاجة امبارح حد عمل فيكي حاجة طمنينى حبيبتى احكيلى ياقلبى لكن سحر فضلت فى حضن امها بتعيط بس وفضلت ميسم تبوس فى سحر وهى قلقانه عليها ومش فى ايديها حاجة تعملها غير انها تحاول تهديها وتطمنها ... عامل الكاميرات خلص شغله وكان مع زهرة جوة الكوافير بيعلمها ازاى تعمل سويتش للكاميرات وبيشرحلها الخطوات كان عمال يقول الخطوات وهى واقفه متنحاله العامل.طيب تعالى طبقى ب ايد*ك اللى بقولك عليه كله سهل علشان كمان متنسيهوش زهرة.يا اخى انا مش بحب التكنولوجيا لا بتفهمنى ولا بفهمها العامل.لاء بسيطة دى مش محتاجه فهم ولا حاجة انتى بس هتحفظى كام خطوة بسيطة كده وكل حاجة هتكون قدامك على الشاشة زهرة.فضلت تسأله ازاى ابدل من كاميرا لكاميرا ؟ وازاى اعمل زوم واقرب الصورة؟ وازاى اشغلها وازاى اقفلها وازاى ارجع الصورة وازاى اجريها ؟ وكان العامل بيرد على كل اسئلة زهرة بمنتهى السلاسة لحد ما طلبت منه يكتبلها الخطوات كلها فى ورقة وهو نفذ كلامها وبرضه سا**ها رقم تليفونه علشان لو عطلت فى حاجة واستأذن ومشى زهرة.ايه وجع الدماغ ده كله انا كنت فاكرة انه زرار واحد وخلصنا قعدت زهرة قدام اللاب توب وابتديت تطبق الخطوات بنفسها وتسمع كل خطوة وهى بتعملها .... فى اوتيل بهيج ابو زهرة حلا ماشية ببطئ وبتفتح اوضة بالمفتاح فى نفس الوقت اللى كان انس بيفتح فى تابلوه العربيه بتاعته وهو سايق علشان يتفاجئ انه ناسي حاجة خاصة بيه دخلت حلا ب ادوات النظافة لأوضة انس فى الاوتيل فى الوقت اللى قرر انس انه يلف ويرجع تانى للأوتيل علشان يجيب الحاجة اللى نساها دخلت حلا وقفلت وراها باب اوضة انس وهى بتراقب الاوضة كلها بعنيها نفس الوقت اللى زهرة قدام اللاب توب بتاعها بتفتح لبانه وبتاكلها وهى مستنية بتوتر كانت لسه حلا بتدور على مكان معين وفى نفس اللحظة طلعت من ادوات النظافة كيس ورق صغير فتحته وطلعت منه كاميرة صغيره مسكتها فى ايديها وهى عماله تدور على مكان مناسب تخبيها فيه فى الوقت ده وصل انس قدام باب الاوتيل نزل من عربيته وطلع يجرى على فوق وكانت حلا ماسكة الكاميرة وعماله تلف حوالين نفسها وتجرب فى الدولاب شوية طيب فى الباب شوية طيب فى الاباجورة فى نفس الوقت اللى طلع فيه انس الدور بتاع الاوضة بتاعته وماشى فى الممر اللى يوصله ليها جربت حلا تحط الكاميرة فى النجفة ومظبطتش لحد مالاحظت الزهرية اللى على الترابيزة اللى قصاد سرير انس وابتديت تثبتها فى فروع الورد الصناعى اللى فى الزهرية اللحظة اللى قرب فيها انس على باب اوضته هى نفس اللحظة اللى زهرة قاعدة مستنيه قدام شاشة اللاب توب هى نفس اللحظة اللى خلصت فيها حلا تثبيت الكاميرة وصل انس على باب اوضته وبيفتح بالمفتاح سمعته حلا واتوترت وصل بهيج ابو زهرة اللى كان خارج من اوضته اللى قصاد اوضة انس بهيج.يا اهلا يا اهلا بصهرى الغالى انس.اهلا اهلا بعمى بهيج ايه ده ايه الشياكة دى يا الوانك ياعم الشباب بهيج.حبيبى انس.هياكل منك حتة هنا كانت حلا خلصت اللى بتعمله زهرة.ايوة بهيج.ايه يا صهرى هو مجاش الوقت اللى نقعد فيه مع بعض شوية ؟ نحكى فى التفاصيل انس.اؤمرنى.اؤمرنى يا سيد الناس اى تفاصيل؟ بهيج.تفاصيل الجواز المهر المؤخر ايه اللى ليك وايه اللى عليك يعنى اتعرف على صهرى اكتر انس.معاك حق والله معاك حق بس ان شاء الله اليومين الجايين نقعد سوا نحكى فى التفاصيل وفوقهم كمان شوية مسك بس سيبنى اليومين دول لحد م افتح المحل ... حلا .ها يازهرة كده كويس؟ زهرة.اه.اه هنا تمام كويس.بس هاتيها شوية على الشمال.ع الشمال ياحلا حلا.ماهو ده الشمال قصدك شمالك ولا شمالى زهرة.صعبتيها عليا ليه يا حلا .خلاص يمين .بصى يمينك غيرت حلا الاتجاه زهرة.تمام.عليها شوية .شوية صغيرين حلا.ايه كده؟ زهرة.خلاص تمام كده زى الفل متمديش ايدك بقى فيها حلا.طيب اقفلى بقى بدل ما اجى اقتلك ... صوت انس برة الاوضة.صباحك فل صباحك فل ياعمي بهيج مشى بهيج ودخل انس اوضته وعملت حلا نفسها بتنضف الاوضة انس.صباح الخير حلا.صباح النور.اسفة كنت بنضف الاوضة مكنتش اعرف ان حضرتك هترجع دلوقتى انس.لا لا ولا يهمك ربنا يقويكى ويد*كى الصحة معلش بس ممكن تديني خمس دقايق وبعدين ترجعى تكملى تنضيف ؟ حلا.اه اكيد اكيد انا اصلا خلصت كانت زهرة قاعدة حاطة ايديها على قلبها من كتر الرعب والقلق انه يقلق من حلا او يشك فيها اخدت حلا ادوات النظافة وخرجت من الاوضة وقفل انس الباب وراها وهنا اخدت زهرة نفسها بارتياح وهى بتقول الله يسامحك ياحلا وجعتى قلبي

Free reading for new users

Scan code to download app

App Store Google Play

Facebookexpand_more