"Iiyak mo muna iyan." Mag-iisang oras na atang hinihimas ni Bea ang likod ko.
Ang tagal kasing kumalma ng dibdib kong hindi na lumuwag simula pa kagabi. Nang kahit papaano'y natigil na ang paghagulgol ko. Inabutan niya ako ng tubig.
"Ano bang nangyari?" Umupo ulit siya sa tabi ko.
Binigyan ko muna ng tubig ang tuyong-tuyo kong lalamunan.
"Umalis si Rigal. Hindi pa rin siya umuuwi hanggang ngayon." Napabuntong hininga ako nang patuloy iniipit ng malaking gulong ang puso ko.
"Kailan pa ba siya umalis? Saka bakit?"
"Kagabi. Beatrice, nakikipaghiwalay na siya sa 'kin kagabi. Hindi ako pumayag kaya siya ang umalis." Nasapo ng mga palad ko ang mukha ko.
"Ang kapal naman ng mukha niya. Siya pa talaga ang may ganang makipaghiwalay sa 'yo samantalang siya 'tong nambubugbog. Baka may bago n
