عزو _في __المعسكر

‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏ نتم الجزء التاني من قصة المعسكر اها وقفنا في لمن ابوي حسمني وشيلني حيلي وحلق لي صلعه بيدو وقال يلا غور ومااشوف وشك في البيت دا الا بعد شهرين بعد تتخرج نهائي غير كدا لو لقيتك هنا بقطع رقبتك اها شلت شنطتي واتوكلت ع بركات الله كراع وراء وكراع قدام وقلبي مابي المشي ومابي المعسكر دا ب الله واحد بس اسوي شنو مجبوره خادم الفكي ع الصلاة وحكم القوي ع الضعيف اول شي انا مازول درش وقيامات ويمين دور وشمال دور وكما كنت ومعتدل مارش والجو الملغم دا ولا بحب التعب ولا الاكل الكعب انا زول ترطيبه واستكانات وونسات وضحك و***ب مالي ومال الجيش والعسكريه والاسوأ من كدا وشايلو هم اني متأخر من المعسكر خمستاشر يوم يعني ع اقل قدر ح يمسحو ب وشي بلاط الادبخانات المهم اتوكلت ومشيت ولمن وصلت اللفه قلت ياولد احسن تفطر وتاكل ليك حاجه فيها فايده انت داخل ع ايام سوداء زي السجم والفحم احسن تتغذي كويس اها بقروش ابوي الاداني ليها د*ك دخلت اقرب مطعم ض*بت لي فسيخ كااااااارب كدا معاهو شطه خدراء لبعتها ليك لمن عرقي سال من صلعتي دي ونخرتي كبت شووووو في بطن الواطه دي ومرقت شربت لي شاي وجبنه وغشيت بتاع العصير كتحت لي كبايتين برتكان وكبياتين عرديب تقيل قلت السوايل دي ح تنفعني في المصيبه الماشي عليها دي المهم ستفتها ليك تماااااااام وقلت بعد دا المعسكر جاك زول الحي الله والكاتل الله اها لمن وصلت قريب ل باب المعسكر لقيت لي واحد كدا برضو جاي متآخر زيي شايل شنطتو وقاعد ودا ياهو نفس الزول اللاقيتو الليله الصباح في اللفه وبسببو حكيت ليكم القصه دي اها سلمت عليهو واتعارفنا ع بعض ودخلنا المعسكر سوا يلا اول من دخلنا باب المعسكر الصفاره ض*بت تووووووووووت وجونا ليك كم نفر من بتاعين الشرطه العسكريه د*ك وشبكونا ثاااااااااابت وطبعا انا انشحطت ليهم عووووووود قالوا لينا انتوا منو وجايين من وين وجايين لشنو ودخلتوا هنا كيف؟ زريبه هي؟ طبعا انا خلاص كضمت وماقدرت ارد قام رد ليهم زولي المعاي دا قال ليهم نحنا طلاب وجينا للمعسكر اها نطا عسكري طويل وعريض كدا قال لينا وكنتوا وين انتو؟ تجونا هسي؟ المعسكر دا حق ابوكم؟ قام المعاي دا قال ليهو انا كنت عيان قال ليهو عيان دي تقولها في بيتكم ماتقولها لي هنا مافي عيان هنا هنا في موت احمر وبس لمن قال ليهو كدا انا بلعت ريقي واتلفت علي انا قال لي اها وانت مالك؟ كنت نفساء؟ حمدالله ع السلامه وبركه الاتحليت بالسلامه اها تميت الاربعين ولالسه؟ لو ماتميت ورينا عشان ند*ك اجازة رضاعه تمشي ترضع وتجي وطبعا انا ** بكم خشمي شابك شبكه كعبه خلاص قال لي هوي يابني ادم انت انا مابتكلم معاك؟ ولا كلامي دا ماعاجبك؟ قلت ليهو براحه وبصوت رايح كدا عاجبني سعادتك اها قام عسكري تاني قال كدا نزلوا الشنط دي نشوف فيها شنو، نزلناها ليهم فتحوها لقوا عندي الطحنيه والمربي والبلح وفتيل معجون قام مسك المعجون عصروا لي في صلعتي كلو ودعكو بيدو وانا حالق يادوب وراسي مجرح طبعا المعجون مع الجروح دي نار الله الموقوده عباره عن شطه لمن دموعي كبت قام مسك الطحنيه والمربي وقال لي انا مش قلت ليك انت نفسا؟ حاجاتك دي حاجات مرا والده ماحاجات راجل جاي محل رجال يلا دنقر اكل حاجاتك دي كلها مسافة افتش صاحبك دا لمن قال لي كدا قربت ابكي ياخ معقول اقدر اكل لي كيلو طحنيه وعلبة مربي وملوة بلح وانا ملان فسيخ هسي دي حدو نخرتي؟ هو مابركه الماشاف صابون الغسيل دا وقال لي اكل ليك صابونتين تلاته المهم بديت اكل وانا بطني طامه بس فجأه العسكري كورك ل زمايلو قال ليهم تعالوا شوفوا دا جايب معاهو صعوط كمان عايز يتكيف لينا هنا؟ اتخيل ليكم زولي المعاي قبضوا شايل صعوط والصعوط دا في المعسكر زي البنقو ممنوع نهائيا يلا تعال شوف البقت فينا مسكوني ليك انا فتشوني لحدي لباسي الجوه داك قالوا لي طلع الصعوط قلت انا ماعندي صعوط ولا بسف قالوا لي عندك وبتسف واحسن تتطلعوا براك وانا اشيل واتحلف في النهايه جابوا ليهم كوز صلصه كبير ملان مويه وكبوا فيهو الصعوط وادوا زولي شرب نص الكوز وقالوا لي اشرب النص التاني قلت ليهم وقبل اقول و افتح خشمي محطني ليك بخرطوش اسود في صلبي طلق فيني ملاله من ضفري ل صلعتي فوق وقال لي اشرب يازول قبل اكبو ليك بنخرتك اها مسكت الكوز شلت لي جغمه كدا حسيت بمصاريني كلها جات في نخرتي قال لينا شايفين النيمه الهناك د*ك؟ عاينت كدا لقيت شجرة النيمه دي رهاب رهاب قال تجروا جري تبلغوا النيمه دي وتجوا بسرعه وقطع فينا خرطوشين وانطلقنا جري طبعا انا ملان فسيخ ومعاهو طحنيه ومربي وجالطين لي فتيل معجون في راسي وكمان شارب لي كوز صعوط فبقيت جاري زي شارلي شابلن داك راسي لافي و بطني طامه وشايف الواطه صفرا اها جارين وجارين وصلنا النيمه بعد نص ساعه وصلنا هنا لقينا تلاته عساكر قاطعين مطارف وسيطان من الشجره دي ومنضفنها جااااااهزه اول ماوصلنا لموا فينا دق وحات الله خلوني اصرخ ب اعلي صوتي قطعوا لحمي قطيع دقوني دق وكل مااجي انكرش يقطع فيني صوت زياده ويقول لي اوعك تحكها يعني منتهي الظلم والقمع حتي الانكراشه دي ممنوعه المهم هبدونا هبد القطن اظن ماخد لي كم وتلاتين صوت خلوا جسمي دا كلو يشح وخشن زي السلك الشايك اها الدق مستمر وقالوا يلا اجري بلغ البوابه محل جيت يامستجد وانطلقنا من النيمه في موسم الهجره للشمال اقصد الهجره للبوابه والمره دي جري شديد لانو النيمه مابتنقعد مع الجلد دي وصلنا البوابه في خمسه دقايق بس وانا وصلت عباره جثه والافظع من كدا الفسيخ مع الحر والجري والنصايب الاكلت والشربتها معاهو دي ف طمح لي في حلقي كما يطمح اللبن في الحله والله قرب يجي بنخرتي والاشنع من كدا بطني كركبت ودا الكنت الخايف منو زااااااااتو انو يجيني اسهال مائي في القيامه دي يعني لو اسهلت هنا ح اتفضح في مشارق الارض ومغاربها المعسكر فيهو اكتر من الف طالب وغير كدا مويه اتغسل بيها ساي مافي وحته اغسل فيها هدومي مافي يعني ح اقعد ب اسهالي وعفنتي دي لحدي اتخرج اها بقيت شغال اطانش في الاسهال واطانش في الطراش خايف اطرش قدام الناس ديل ويأكلوني ليهو تاني راجع واشيل وانده الليله الحفيان ياودحسونه طباب المجنونه الليله ياود بدر الليله يالشيخ حامد اب عصا الليله ياود مضوي تجيبو قوي اها انا ماشي منفوخ نفخ وا****عه شاحطتننا قدام البوابه انتباه والشمس مولعه في صلعتي وانا مسجم ومرمد المهم عدت ساعتين كدا وانا واقف بقيت اشوف خيوت خيوت وجسمي كلو نمل وحات الله حاسي كأني عضم وملان نمل اها بعد مسافه كدا الزول الجمبي دا قعد يبكي براهو وانا فايتو بالصبر وبس قلت ليهو بتبكي مالك؟ قال لي اتزكرت امي قلت ليهو امك متوفيه؟ قال لي متوفيه شنو ياخ امي حيه بس اشتقت ليها ساي قلت ليهو انت ليك ساعتين يادوب واتزكرت امك واشتقت ليها وقعدت تبكي طيب لمن تعدي شهرين ح تعمل شنو؟ اها الزول بعد سمع الكلام دا زاد زياده بقي يبكي ويجعر وانا خلاص اصلا العبره خانقاني وقاعد ع الهبشه فما صدقت وانفقعت ليك بكا مع صاحبي دا والله بكينا بكا وعزينا عزا ونوحنا جنس نواح ودا كلو ونحنا واقفين انتباه ولسه يادوب في بوابة المعسكر وماعارفين الراجينا جوه شنو بس زي مابقولوا الجواب باين من عنوانو والراجينا جوه اسود زي السجم والفحم... -------------------------------------- --------------------- *☆يتبــــــــــــــــــــــــــــــــــــــــــــع☆☆* *بــــــــــــــيــــــــــــــــــــجــــــــــــــة*