جواز بدل ١٧

1039 Words

“جواز بدل ١٧" ام مريم: يا مريم افتحى الباب شوفى مين بيخبط مريم: حاااضر يا ماما اهه جايه اهه.... عمرو!!!! عمرو بنظرات عتاب وشوق: ايه يا مريم ادخل ولا ارجع مكان ما جيت مريم بتوتر: هااه لا اتفضل طبعاً ثوانى هنادى ماما مريم: ماما ده عمرو دخلته الصالون ام مريم: ايه عمرو طيب ادخلى اوضتك ما اشوفش ظلك برا انتِ فاهمه وهاتى كريم اكيد جاى يشوفه ام مريم: السلام عليكم ازيك يا عمرو يا ابنى، روح يا كريم سلم على بابا عمرو: الله يسلم حضرتك تعالى يا كريم متخفش انا بابا كريم كريم .. هو جرى ليه هو خايف منى ام مريم : معلش يابنى ماتأخذنيش فى الكلام بس كريم بقاله كتير ماشفكش من ساعه ما جم هنا ماتقلقش عمرو: عجبك كده يا طنط ابنى مش عارفنى وخايف منى ، على العموم انا جاى أسأل حضرتك هى مريم اتخطبت ام مريم: ايوه يابنى كل شئ قسمه ونصيب ونصيبكم انتهى سيبها يابنى تجرب نصيب تانى دى لسه صغيره وعاوزه اطمن عليها قبل ما أقابل وجه كريم عمرو: كان على عينى يا طنط بس ماينفعش ام مريم: يعنى ايه مش فاهمه عمرو: يعنى ماينفعش تتجوز تانى وهى على ع**تى انا ردتها تانى قبل ما العده تخلص ام مريم: ازاى ده من غير ماتعرف مهند: نننععم يا بيه ردتها ازاى من غير ماتاخد رأيها عمرو: عادى يا عمرو ردتها دى اول طلقه وينفع اردها قبل ما العدة تخلص وانا حر عاوز مراتى وابنى مهند: مراتك ميييين مريم مش هترجع تانى ليك احنا خلصنا بقاا من حرق الدم ووجع الدماغ ابنك وتشوفه فى اى وقت ولو عاوز تاخده كام شهر وترجعه تانى مفيش اى مانع انما عند مريم ولا مش هترجعلك تانى عمرو: لو مريم مارجعتش معايا انا هطلبها فى بيت الطاعه وقانونا ده من حقى ، فمن غير شوشره وفضايح خليها ترجع معايا هى وابنى ام مريم: لييه كدا يابنى ، طيب بص اتكلم مع مريم لو هى عاوزه ترجع معاك احنا مش هنمانع انما لو رفضت فامتزعلش منا مش هنرجعها غصب عنها عمرو: ماشى انا هدخل لمريم وهقنعها بس ابعدى مهند عن الموضوع خاليه ما يدخلش بينا دق......دق .....دق مريم: ادخلى يا ماما عمرو بابتسامه: طيب ما ينفعش عمرو مريم بتوتر: عمرو.. ازاى تدخل كدا ... ولبست الطرحه بسرعه عمرو: ما لهوش لزوم تلبسى الحجاب علشان انتِ مراتى انا رديتك تانى مريم: نععععم يعنى ايه ردتنى تانى انتَ بتستهبل مين قالك انى موافقه ارجعلك عمرو بغيرة: امممم مش عاوزه ترجعيلى بس موافقه تتجوزى غيرى ،للدرجادى يا مريم قدرتى تنسينى بالسرعه دى ،عاوزه تتجوزى واحد تانى، هيقدر يحبك قدى ويهتم بيكِ، انا ماكنتش عارف اعيش من غيرك،واحشتينى اوى اوى يامريم مريم ببكاء: عاوز منى ايه تانى يا عمرو ارحمنى بقاااا عاوز تعرف ايه، ايوه انا بحبك وما زلت بحبك بس ماينفعش ارجع تانى انا تعبت ماقدرش اعيش فى مكان مكروها فيه ومستنيه فى اى وقت تسمع كلام اهلك وتتجوز عليا مش قادره اعيش بعيده عن اهلى تانى انا كنت عايشه فى وحده منبوذه من اللى حواليا ليه عاوز تخلينى تعيسه عمرو: انا يامريم عاوزك تعيسه انا بحبك وبخاف عليكِ انتِ النفس اللى بتنفسه لما مشيتى وسبتينى اكن روحى فارقتنى ،علشان خاطر ربنا يا مريم ارجعى معايا واوعدك ماحدش هيدايقك وانا عُمرى ما هتجوز عليكِ مافيش وحده تقدر تملى عينى غيرك انتِ، وفى اى وقت عاوزه تزورى اهلك ماعنديش اى مانع ولو عاوزين يزوروكِ يشرفوا وينوروا ده بيتهم ،اما بالنسبه لاهلى فهما ليهم عندى انى ابِرهم واطمن عليهم بس مش اكتر ،هاه يا مريم قولتى ايه مريم: انا خايفه يا عمرو نفسي اعيش مرتاحه وسعيده زى كل الناس عمرو: ماتخفيش يا مريم اوعدك انى هعمل كل اللى هقدر عليه علشان اسعِدك وعُمرى ماهفتح موضوع مهند ونورهان اختى تانى ، احنا لينا حياتنا الخاصه بعيد عنهم والله اهلى فهموا كده اهلا وسهلا مافهموش هما حُرين مايفرقش معايا رأيهم. طيب علشان خاطر كريم علشان يتربى وسطينا يرضيكى يتربى بعيد عنى مع جوز ام، يعنى الغريب هيكون حنين عليه اكتر منى مريم: ماشى يا عمرو هرجع معاك علشان خاطر كريم بس دى اخر فرصه لينا لو حصلت اى مشكله من اللى خايفه منها صدقنى مفيش رجوع تانى عمرو بفرحه: انا موافق يلا جهزى شنطتك وانا هتكلم مع اهلك برا ام مريم: يعنى هى قالتلك هترجع معاك، طيب هدخل اشوفها عمرو: مالك يا مهند مش مبسوط ليه للدرجه دى عاوز تخرب بيتى وتشرد ابنى مهند: انتَ عارف كويس انى مش عاوز اخرب بيت اختى وبخاف عليها اوى وابنك ربنا يعلم غلاوته من غلاوة بنتى بس انا قلقان على اختى وهى بعيد عنى وسط اهلك اللى بيكرهوها ومش بعيد يحاولوا يأذوها عمرو: أهلى مش وحشين اوى يا مهند ايوه فى صحيح خلافات بسببك انتَ واختى بس متوصلش انهم يأذوا مريم ،احنا هنعيش بعيد عنهم وانا اوعدك انى هحمى مريم واخليها فى عينيا، ولا مش واثق فيا يا صاحبى مهند بسخريه: صاحبى!!!! غريبه اللى فاكره انك ناهيت الصحوبيه لما اخدت مريم ولا ايه عمرو: مايبقاش قلبك اسود يا اخى كنت متعصب وخايف ان مريم تسبنى وتمشى على العموم انا اسف متزعلش منى هاه صافيه لبن مهند بضحك: حليب يا قشطه مريم: خلصت جهزت شنطتى القطر الساعه كام مهند: مستعجله اوى ياختى عاوزه تطيرى وتسبينا مريم ب**وف: لا طبعا هو انا اقدر استغنى عنكم بابا مريم: هتوحشينى يا مريم خلى بالك عليها يا عمرو بنتى امانه عندك صونها يابنى عمرو: متقلقش فى عينيا يا عمى هشيلها فوق رأسي ...... " بعد سفر عمرو ومريم ووصولهم لشقتهم مع ابنهم كريم... مريم: البيت وحشنى اوى ياعمرو كل حاجه زى ما سبتها عمرو: نورتى بيتك يا مريومه "تليفون مريم كان بيرن. ....." مريم: بنظرات متوتره ما بين التليفون وعمرو عمرو: مالك فى ايه مين بيتصل مريم بخوف: ده د ده احمد عمرو بعدم فهم: احمد مين مريم: احمد خطيبى عمرو: خطييييب ميييين ياختى هاتى التليفون ده.... الووو ايوه ده تليفون مريم انا جوزها يلزم خدمه مع السلامه عمرو بغيره وبغضب: بقاا كنتى عاوزه تتجوزى غيرى مش كده والاستاذ متعود يتصل بيكِ وايه الزفت اللى فى صباعك ده اوعاا يكون دبلته اقلعيها بسرعه بدل ما رتكب جريمه اقلعيهااااااا مريم بخوف: حااااضر حاااضر اهه قلعتها عمرو: من بكرا هجبلك خط تليفون جديد والشريحه دى تترمى انتِ فاهمه مريم حبت تغيظه: انتَ بتزعق ليه ، وفيها ايه واحد وكان بيكلم خطيبته ده كان فاضل شهرين على فرحنا... اا اا أنتَ بتقرب كدا ليه وبتجز على سنانك انتَ هتاكُلنى ولا ايه.... اااعععع عمرو: بتجرى منى هتروحى منى فين والله ما انا سايبك.... ------------يتبع Elbanota gege,,,,,,, يا ترى رد فعل ام عمرو ايه لما تعرف ان عمرو رجع مريم تانى؟ ويا ترى عمرو هينفذ وعده لمريم؟ تبعونى?

Free reading for new users

Scan code to download app

App Store Google Play

Facebookexpand_more