Bumitaw siya sa pagkakayakap kay Aquilles ng huminto sila sa tapat ng isang lumang kubo sa bahagi ng isang magubat na lugar.
Inalalayan siya makababa ni Aquilles sa motor niya at agad na inilibot niya ang mga paningin sa buong paligid.
"Nasaan tayo?" tanong niya rito.
"Ang sabi ni Stella dito niya iniwan ang isa sa mga kambal ko,"tugon nito habang matiim na nakamasid sa kubo.
Agad na naalala niya ang paghahanap nito sa dalawang kambal nito.
" Sa tingin mo makikita mo siya rito?"aniya.
Bumaling sa kanya ang madidilim nitong mga mata.
"Walang posibilidad pero umaasa ako na sana kahit ano may naiwan na makakapagsabi kung nasaan ang isa sa mga kambal ko," matiim nitong saad.
"Hangad ko na makita mo na sila,Aquilles," turan niya rito.
Magkapagkit ang kanila mga mata habang ninanamnam
