MAKALIPAS ang halos bente minutos na biyahe sa ilalim ng asul na langit, huminto ang motor ni Dark sa tapat ng isang malawak na pintuan na gawa sa pinagsamang bakal at matigas na kahoy.
May sign sa taas: "MARIANO RANCH - ESTABLISHED 1952."
Pagpasok nila sa loob, bumungad kay Allyson ang isang napakagandang rancho. Hindi ito katulad ng bukid ni Marco na puno ng pakwan; ito ay isang malawak na damuhan na may mga bakod na puti—'yung perpektong napintahan at maayos ang pagkakaalaga. At sa malayo ay matatanaw ang mga kabayong malayang nagtatakbuhan.
Sariwa ang hangin. Asul ang langit. Kulay luntian ang mga damo.
Tila isang perpektong lugar.
"Wow," bulong ni Allyson.
"Maganda, ano?" tanong ni Dark, habang tinutulungan siyang bumaba.
"Oo. Napakaganda," sagot ni Allyson, habang inilibot
