Kinaumagahan, June 3rd, nagising si Allyson na determinadong ibalik ang normal na takbo ng buhay. Nirepaso niya ang mga work emails, nagkaroon ng video call kay Ara para pag-usapan ang mga pending projects, at nag-exercise pa nang kaunti.
"One step at a time," paalala niya sa sarili.
Bandang alas-diyes ng umaga, tumunog ang kaniyang phone. Si Manang Mirna.
Kakaiba. Ang katulong mula sa San Vicente ay madalang tumawag, madalas ay text lang.
"Hello, Manang?"
"Señorita!" Ang boses ni Manang Mirna ay frantic, hingal na hingal, at humihikbi. "Señorita, kailangan ko kayong sabihan!"
Napatigil si Allyson. "Manang, ano bang nangyari? Bakit kayo ganyan?"
"Señorita, si Señorito Dark—"
Hindi niya hinayaang tapusin ang sasabihin nito. "Manang, sabi ko na, I don't want to hear anything
