Ang mga sumunod na oras ay naging parang isang malabong panaginip para kay Allyson. Nag-operate siya sa autopilot—ginagawa ang lahat nang hindi lubos na napoproseso ang bilis ng mga pangyayari.
Bumalik siya sa kanyang opisina, kinuha ang kanyang passport mula sa safe sa loob ng drawer, at agad na tinawagan si Ara.
"Ara, emergency leave. Indefinite," saad niya. Ang kanyang boses ay pilit na ginagawang matatag kahit na nanginginig ang kanyang mga kamay. "Book me on the next available flight to Tokyo. Tonight kung possible. Business class. One-way."
"One-way po, Ma'am?" Bakas ang gulat sa boses ni Ara. "Pero—"
"Just do it, Ara. Please," putol niya sa sasabihin nito. "At i-reschedule lahat ng meetings ko for the next two weeks. Minimum. Baka mas matagal."
"Yes, Ma'am. Right away po."
